VOV4.Jarai - Mơguah lơ 6/4, amăng bruă jơnum pơdah tui tlôn [ơi tivi Gru\p ]âo ba bruă pơgang, pơgăn klin ruă Covid-19, Kơ-iăng Khua dêh ]ar ta ơi Vũ Đức Đam brơi thâo hmâo prăp lui djop laih hơdôm măi mok, gơnam mă yua gah ia jrao kiăng bo\ng glăi hăng tơlơi tơdah đơ đam dêh ]ar ta hmâo 3 rơbâo ]ô mơnuih [a\ kơman hăng ră anai glăk prăp lui kơ hơdôm jơlan gah pơkon.

Kơ-iăng Khua dêh ]ar lăi le\: tơlơi pơgang klin ngă amăng 2 hrơi rơgao hmâo tơlơi pơplih klă, samơ\ [u djơ\ yua kơ anun mơ\ lui raih, [u kơđiăng.

Hơdôm hrơi rơgao, hơdră pơkă mơng kông ang, ia jrao, gong gai anom bruă “nao mơng bah amăng mut nao, mơng anih weh nao rim sang” ba glăi bôh tơhnal hăng pơ\ anăp anai kiăng djă pioh hơdră anai.

Kơ-iăng Khua dêh ]ar ơi Vũ Đức Đam ăt rơkâo mơn gơnong bruă ia jrao pơđ^ tui hloh dong bruă pơgang, pơgăn Covid-19 [ơi sang ia jrao.

Kiăng pok pơhai hơdôm bruă mă tui anun hăng hơdôm tơlơi amra hmâo abih bang mơnuih nao pel e\p leng kơ F1, pơđut [u pioh klin ruă lar hyu prong amăng hơdôm anih anom sang ia jrao./.

Siu H’ Prăk: Pô ]ih pơblang