VOV4.Jarai-Pơdơi abih bruă jơnum kơkuh pơpu\ iâu lăi lu mơnuih amăng sang jơnum, pơtô brơi [ing djru đăo iâu lăi pơ sang ano\, laih dơ\ng hur har djru pran jua tơlơi pơmin hăng gơnam tam kơ bruă pơhlôm, pơgang klin Covid 19, anun le\ hơdră mơ\ lu mơta tơlơi đăo [ơi tơring ]ar Daklak glăk ha pran jua ngă hrom abih bang mơnuih mơnam ngă tui djơ\ tơlơi pơ]râo mơ\ng Khua dêh ]ar, kiăng pơtrut đuăi kman klin kheng duăm ruă ta`.

Pra yang prong gah đăo phơt Sắc Tứ Khải Đoan, jing pra yang gah đăo yơng, đăo phơt hmư\ hing biă mă [ơi tơring ]ar Daklak, hơdôm hrơi hăng anai kret kruai [u hơmâo mơnuih mut tơbiă nao rai [ơi anun ôh.

Anih arăng juăt mut nao lăng, tuai mơ\ng anih pơko\n juăt nao ngui pơ plơi prong {uôn Ma Thuôt weh nao lăng yơh pra yang Sắc Tứ Khải Đoan, tơđar thun sit truh hrơi ngă yang phơt, Phật Đản, pra yang anai tu\ jum hơdôm rơbâo ]ô tuai mut nao ngă yang [udah mut nao e\p lăng, ]uă ngui.

Pra yang Sắc Tứ Khải Đoan [u hơmâo mơnuih mut nao rai ôh

Khua git gai [ing yă yơng ơi phơt [ơi Pra yang Sắc Tứ Khải Đoan, ơi Hòa thượng Thích Châu Quang, ngă rah Khua git gai phung đăo phơt tơring ]ar Daklak, brơi thâo, dơ\ng mơ\ng rơnu] blan 3 laih rơgao, abih bang djop pra yang, anih jơnum pơpu\ ngă yang, sang hră hrăm gah bruă yang phơt amăng tơring ]ar hlong pơdơi abih bruă mă pơtum lu mơnuih; [ing djru đăo, [ing kom drơi kah hăng yă phơt ơi yơng lêng ngă tui djơ\ tơlơi pơtrun mơ\ng kơnuk kơna soh.

Abih bang ha pran jua hrom hăng djop mơnuih mơnam gum ngă bruă pơhlôm, pơgang klin tơlơi ruă yua kman Covid 19:

‘’Ră anai, abih bang tơlơi ngă yang jơnum kơkuh pơpu\, kơnong [ing khua đăo phơt do\ amăng sang pra yang đô] iâu lăi, [ing djru đăo phơt kơnong do\ ha dơnong, anăm tơbiă hyu ôh yua anai le\ kman tơlơi ruă hu\i rơhyưt biă mă, lu dêh ]ar hơmâo mơnuih djai tơket tơkeng [ơ\i, Việt Nam ta dưi bong glăi  kah hăng anun yom biă mă laih.

Kâo ăt pơtă pơtăn abih bang ană plơi pla djru đăo ngă hrom klă, gum tơngan hrom mơnuih mơnam kiăng pơhlôm, pơgang klin kheng anai; tơdah [u hơmâo bruă hơge\t kiăng je] anăm tơbiă hyu pơ rơngiao ôh, dua dơ\ng le\ [ing ngă bruă amăng pra yang hrơi blan hăng anai [u pơphun bruă ngă yang iâu lăi lu mơnuih ôh, klă [iă abih bang ană plơi do\ pơ sang ta pô đô]. Laih dơ\ng djru hrom pơ]ruh gơnam bơwih brơi pơhlôm, pơgang klin kheng’’.

{ơi sang jơnum prong đăo khop [ơi tong yong plơi prong {uôn Ma Thuôt, ka phuôr 6 arăt jơlan tơkuh, ta juăt lăi ngã 6, sa pơnăng prong ]ih pơthâo dưm [ơi akiăng amăng jang mut nao rai pơ sang jơnum đăo khop, pôr pơthâo pơdơi abih yơh bruă mă jơnum iâu lăi lu mơnuih.

Sang jơnum prong phun đăo khop {uôn Ma Thuôt pơdơi abih  jơnum  lu mơnuih

Tui hăng ơi khop Nguyễn Quang Diệu, Khua anom wai lăng sang jơnum prong đăo khop {uôn Ma Thuôt, dơ\ng mơ\ng lơ 27/3, khua ơi khop prong hơmâo mơ-it hră lăi pơthâo kơ abih bang 106 boh anih jơnum đăo khop, phung đăo, tơring đăo abih bang [ing djru đăo khop amăng plơi prong {uôn Ma Thuôt gah tơring đăo mơ\ng klâo boh tơring ]ar Daklak, Daknông, Bình Phước, lăi pơthâo kơ bruă pơdơi abih bang jăng jai jơnum iâu lăi lu mơnuih, pioh ngă hrom pơhlôm, pơgang klin kheng.

Khua ơi khop prong ăt pơtô lăi [ing djru đăo do\ pơ sang; pơdơi yơh tơlơi kiăng ako\ pơjing pơdo\ rơkơi bơnai, [ong huă lu mơnuih mơnam; tơlơi djai bru\ ăt ngă yang amăng sang ano\ [iă mơnuih đô] hăng phung wang a`ang kor amăng sang ano\....

Tơring ]ar Daklak ră anai, hơmâo 4 mơta tơlơi đăo prong anun le\ đăo phơt, đăo khop, đăo phrâo hiam hăng Cao Đài, hơmâo rơbêh 600 rơbâo ]ô mơnuih đăo, dưm dưm hăng 1/3 mrô mơnuih amăng tơring ]ar.

Abih bang djop sang jơnum, anih kơkuh pơpu\ [ơi Daklak krư\

 bah amăng, pơdơi iâu lăi jơnum lu mơnuih

Ơi Nghiêm Văn Chuẩn, Khua wai lăng tơlơi đăo mơ\ng anom bruă kơnuk kơna tơring ]ar Daklak, brơi thâo, hrơi blan anai, jing djơ\ bơyan ngă yang iâu lăi Pang tikôt [udah ngă Pak gah [ing đăo khop hăng đăo phrâo hiam Tin lành; bơyan ngă yang Đản sinh gah đăo phơt, samơ\ abih bang tơlơi đăo anai ngă tui djơ\ tơlơi pơtrun mơ\ng kơnuk kơna brơi pơhlôm, pơgang klin covid 19, [u jơnum iâu lăi lu mơnuih ôh, kơnong pơtô brơi [ing đăo do\ iâu lăi [ơi sang ano\ [udah hmư\ tơlơi pơtô lăi amăng internet đô].

{u djơ\ ha pran jua ngă tui tơlơi pơtrun mơ\ng Khua dêh ]ar đô] ôh, djop tơlơi đăo [ơi Daklak hơmâo pơ]ruh hrom 70 klăk prăk djru kơ bruă pơhlôm, pơgang klin kheng:

‘’{ing gơmơi ăt pơ]rông sai hăng [ing khua mua, pô pơtô đăo, khua apăn ako\ tơlơi đăo, djop anih jơnum ,amăng tơring ]ar ngă tui khut khăt tơpă hnong, rơđah biă `u hơmâo hră mơ-it, pôr pơthâo truh pơ djop sang ơi adai, anih jơnum kơkuh pơpu\ brơi pơdơi abih jơnum lu mơnuih ngă yang, iâu lăi, tơl kơnuk kơna hơmâo hră lăi pơthâo plơ\ng hnun kah bơblih.

Laih hơmâo hăng ngă tui hră pơ]râo mrô 16 mơ\ng Khua dêh ]ar, [rô djơ\ amăng bơyan ngă yang hơdor hrơi pang tikôt, hrơi ngă Pak gah [ing đăo khop hăng đăo phrâo hiam kơnong pơphun jơnum iâu lăi pơdah amăng internet, jơnum iâu lăi online.

 Gơmơi đăo sit djop tơlơi đăo amăng tơring ]ar Daklak amra ngă tui klă tơlơi pơtrun anai yua kiăng pơgang tơlơi suaih pral kơ abih bang mơnuih.

Rơngiao kơ anun, djop anih jơnum tơlơi đăo amăng tơring ]ar ăt djru hrom Jơnum min wai lăng djop djuai ania mơnuih mơnam Việt Nam tơring ]ar amăng bruă djru prăk, gơnam tam pioh ngă bruă pơgang klin kheng tal anai.

Nay Jek: Pơblang hăng pôr