Hơdôm thun rơgao, anom bruă Ping gah, khul khua mua git gai mơnuih [ôn sang plơi Đồng Lạc 4, să Đinh Lạc, tring glông Di Linh, Lâm Đồng hơmâo ngă klă bruă pơtô  pơblang pơtrut mơnuih [ôn sang gum hrom ako\ pơdong kuăl plơi pla phrâo. Khul khua mua git gai mơnuih [ôn sang ngă klă bruă git gai wai lăng mơnuih [ôn sang, pơtô lăi pơtrut pơsur pơyơr lo\n, djru hrơi bruă, prăk kăk pioh man pơdong lu ring bruă man pơdong kuăl plơi pla phrâo, ]uk pơkra jơlan nao rai hiam, anun jing anih ba gru hlâo, tơlơi bơnga] kơ bruă pơdong plơi pla phrâo amăng hơdră pơblih hơbo# plơi pla [ơi tring glông anai.

Plơi Đồng Lạc 4, hơmâo 156 boh bơbung sang, 480 ]ô mơnuih. Hơmâo sa tơlơi djơ\ hrom amăng să, lu jơlan nao rai amăng plơi pla anet laih anun kơniă đơi hlâo adih, bơyan hơjan nao rai dơlut tơbor, bơ bơyan phang le\ [ui amruih amram. Lơm anun, plơi anai aka [u hơmâo jơlan hơdră djru mơng Kơnuk kơna ôh. Kiăng pơphun kơ bruă pơyơr lo\n ]uk pơkra jơlan nao rai kơ mơnuih [ôn sang, lu thun hăng anai, anom bruă Ping gah, khul khua mua git gai plơi pla Đồng Lạc 4 hơmâo pơtum pơtô pơblang, pơtrut pơsur ană plơi pla kiăng thâo hluh dơlăm jơlan hơdră kơnuk kơna pơtrun, pioh ako\ pơdong plơi pla hiam ro#, klă hiam kơ ană plơi pla mơn, kah hăng pok prong, ]uk pơkra jolan nao rai rơhaih, hơdjă [iă nao rai amu` wot bơyan hlim hăng bơyan phang ăt hnun mơn. Dơ\ng mơng anun, mơnuih [ôn sang thâo hluh hăng hur har gum hrom, djru pran jua, ai hơtai pơdong plơi pla phrâo.

Kiăng dưi ngă tơlơi anai, [ing apăn bruă kơnuk kơna, mơnuih ping gah yơh pô ba jơlan hlâo, ngă gru kiăng arăng hla tui, mơng anun mơnuih [ôn sang amăng plơi pla [ôn [ut ngă hrom hơb^t, hla tui soh. Khua khul bruă wai lăng djop djuai ania mơnuih mơnam plơi Đồng Lạc 4, ơi Nguyễn Xuân Ngọc lăi : Jak iâu ană plơi pla djru lo\n, pơ ]ruh prăk, pơkra jơlan nao rai amăng plơi  hơmâo pơphun mơng hơdôm thun hlâo laih, laih anun dưi ngă tui r^m thun. Bruă ngă anai kiăng biă mă, yua anăp nao kơ bruă man pơdong kuăl plơi pla phrâo laih anun pơđ^ tui tơlơi hơdip mơda kơ ană plơi pla, kiăng mơak klă tơlơi hơdip mơda bruă mă gêh găl hloh, pran jua mơak mơai mơn rô nao rai huăi tơnap đơi kah hăng hlâo adih.

Dơ\ng mơng thun 2007-2012, plơi Đồng Lạc 4 hơmâo jak iâu mơnuih [ôn sang pơ ]ruh 820 klăk prăk hăng 280 hrơi bruă pioh pok prong, pơkra glăi jơlan glông nao rai amăng plơi, ]uk pơkra jơlan laih anun tuh boh pơtâo a`e\ ngă atur jơlan brơi kjăp abih bang ano\ glông rơbeh 4 km jơlan amăng plơi. Hơmâo laih jơlan nao rai hiam klă, tơlơi bơvih [ong huă amăng plơi pla gêh găl hloh, tơlơi hơdip mơda đ^ tui, [o# mơta plơi pla [ôn lan lăng `u pha ra yơh pơkă hăng hlâo adih. Tơlơi rô rơbat hyu ngui amăng plơi mơak hlak, boh nik `u [ing ană tơ]ô ]ơđai sang hră r^m hrơi nao hrăm hră gêh găl, rơbat tơkai [udah đ^ rơdeh tang rơvang amu`  soh. Ơi Nguyễn Quốc Thiên mơnuih [ôn sang plơi Đồng Lạc 4 lăi : Hlâo adih jơlan  nao rai amăng plơi gơmơi anet đô], nao rai tơnap tap biă mă. Lơm hơmâo kơnuk kơna pơtrun, khua mua ping gah hăng khua mua git gai plơi jak iâu djru lo\n, pơgôp hrơi bruă, prăk kăk pioh ]uk pơkra jơlan, sang ano\ gơmơi hăng sang ano\ mơnuih [ôn sang iao gah lêng kơ kiăng soh, ngă tui.

Ơi Lê Văn Trịnh, Khua plơi Đồng Lạc 4, brơi thâo: Lơm hơdră man pơdong kuăl plơi pla phrâo dưi pok pơhai ngă tui [ơi plơi pla, khua mua git gai ping gah plơi, khua mua plơi pla gơmơi, jak iâu mơnuih [ôn sang djru pơ]ruh prăk kăk, ]uk pơkra jơlan. Bruă jak iâu ngă tui tơlơi pơtrun anai, tui hluai 3 mơta bruă, sa le\ brơi pơ]ruh tui hluai ako\ mơnuih amăng sang ano\, tui hluai đơ đam lo\n hmua hăng đơ đam lo\n anăp sang so# akiăng jơlan. Tui hăng anun, r^m sang ano\ pơ]ruh 2 klăk  prăk mơkrah, sa met lo\n đang sang anăp nao gah jơlan yap 100 rơbâo prăk, laih anun lơm sa ektar lo\n hmua 2 klăk 600 rơbâo prăk. Yua hơmâo tơlơi tu\ ư hrom mơng mơnuih [ôn sang, bruă man pơdong kuăl plơi pla phrâo amu` hloh, gêh găl biă mă. Rơgao 3 blan pok pơhai, jak iâu pơtrut pơsur, plơi Đồng Lạc 4 hơmâo pơ]ruh abih tih  truh kơ 1 klai 500 klăk prăk, ană plơi ]an prăk kơnuk kơna hơmâo 3 klai 500 klăk prăk, laih anun tuh go\ drong hơmâo 4,3 km jơlan nao rai amăng plơi tui hăng hơdră ană plơi pla pô pơkra, mă bruă, kơnuk kơna djru gơnam man pơdong, prăk ha klah mơnuih [ôn sang pơ ]ruh.

Plơi Đồng Lạc 4 [u djơ\ kơnong ngă bruă man pơdong plơi pla phrâo đô] ôh, do\ jing plơi pla ba jơlan hlâo amăng bruă ngă tui tơlơi pơtrun duh jia laih anun hơdôm tơlơi pơ]ruh pơgôp pơko\n mơng kơnuk kơna pơtrun, kah hăng pơ]ruh djru mơnuih [un rin, djru keh prăk mơit kơ bul pơtâo ia rơs^ Trường Sa laih anun ngă tui hơdră  gum hrom “Abih bang mơnuih [ôn sang gum pơgôp ako\ pơdong tơlơi hơdip mơda hiam klă rơguăt amăng plơi pla ala [ôn”. Dơ\ng mơng boh tơhnal anun yơh, amăng plơi truh ră anai hơmâo 70% mrô sang ano\ mơnuih [ôn sang đ^ đăi go# amo#, pơdrong tui. Plơi Đồng Lạc 4 kơtưn abih thun anai thun 2014, pơkă dưm dưm hơnong pơ hrui glăi mơng r^m ]ô mơnuih mă bruă amăng ha thun hơmâo 21 klăk prăk, pơtrun tui mrô sang ano\ [un rin do\ 4 boh sang ano\ đô].

Dưi hơmâo boh tơhnal anai yua anom bruă ping gah hăng  [ing khua mua plơi Đồng Lạc 4 hơmâo ngă tui klă tơlơi pơtrun djă gru mơnuih [ôn sang ngă khua pô amăng plơi pla “Jing mơnuih [ôn sang thâo, mơnuih [ôn sang pơ ]rông hrom, mă bruă hăng e\p lăng”. Mơnuih apăn bruă hăng mơnuih [ôn sang hơmâo ngă klă tơlơi gum pơgôp djuai ania, tu\ ư ha pran jua amăng djop bruă ăt kah hăng thâo hluh dơlăm tơlơi pơtô mơng Khua mir sir Hồ Chí Minh lăi “Amu` ha rơtuh wo\t hai mơnuih [ôn sang [u kiăng ngă  hrom [u jing ôh, tơnap  dơ\ pă hai mơnuih [ôn sang ngă le\ jing soh”./.

                                                }ih pơblang hăng pôr : Nay Jek