VOV4.Jarai - Mơguah lơ 9/7, tơring čar Lâm Đồng brơi thâo hơmâo dong 1 čô mơnuih ƀă klin Covid-19. Anai lĕ mơnuih F1 glăi mơng anih hơmâo 3 čô mơnuih ƀă klin ƀơi ƀôn prong Hồ Chí Minh. Mrô mơnuih ƀă klin Covid-19 phrâo ƀut ƀơi tơring čar Lâm Đồng lĕ ơi N.H.D.K, dŏ ƀơi plơi Phú Thạnh, să Hiệp Thạnh, tơring glông Đức Trọng (ñu mă bruă ƀơi Sang bruă prăk Agribank Lâm Đồng). Amăng hơdôm hrơi laih rơgao, ơi K hơmâo jê̆ giăm hăng 3 čô mơnuih ƀă klin lĕ ƀing mơnuih ƀă klin Covid-19 amăng lơ 7/7.

Lâm Đồng pơčrang lăng ƀing mơnuih jê̆ giăm hăng ƀing ƀă klin

Kiăng kơ pơhlôm pơgang klin, mơguah lơ 9/7, Gơnong bruă ia jrao Lâm Đồng hơmâo ba tơbiă tơlơi pơsit ječ kiăng kiăo tui ĕp ƀing jê̆ giăm ƀơi 8 anih amăng plơi prong Đà Lạt hăng tơring glông Đơn Dương, Đức Trọng. Laih dong, pơphun ječ bruă ĕp ba nao pơčlah ƀing jê̆ giăm, pơčrang lăng hăng pơgang kjăp klin kheng. Truh ră anai, anom bruă bơdjơ̆ nao tơring čar Lâm Đồng brơi thâo hơmâo 83 čô mơnuih F1 hăng 571 čô mơnuih F2 yua bơdjơ̆ nao anih hơmâo 3 čô mơnuih ƀă klin glăi mơng ƀôn prong Hồ Chí Minh.

Siu Đoan: Pơblang