VOV4.Jarai - Anom bruă ia jrao tơring glông Čư Sê, tơring čar Gia Lai hơmâo ba pơčlah 3 čô mơnuih dŏ giăm pô ruă (ră anai lĕ F1) amăng sa boh sang yua dŏ jê̆ hăng 1 čô mơnuih ƀă kman Covid-19 ƀơi Bắc Giang. 3 čô hơmâo brơi dŏ pơčlah dŏ ƀơi sang mrô 18, ƀut plơi 9, jolwan Cách Mạng, tơring kual Čư̆ Sê, tơring glông Čư̆ Sê, tơring čar Gia Lai, hlâo kơ anun gơñu bưp kơnung djuai ñu pô lĕ kông ñơn kông ti TNHH HOSIDEN Quang Châu, ƀơi Bắc Giang ƀă kman Sars-CoV-2, lơ̆m nao pơ Bắc Giang jôk atâu sang anŏ ñu. Pô ƀă kman Sars-CoV-2 hơmâo pơsit amăng lơ 19/5. Tơdơi kơ glăi pơ tơring glông Čư̆ Sê, 3 čô anai gơñu thâo laih gơñu glăi mơng anih hơmâo klin yua hnun pơhaih hlao pơ sang ia jrao mơtăm yơh laih anun truă bơnal gôm bô̆, hơmâo ƀing ơi ia jrao pơtô brơi hơdră dŏ pơčlah pơ sang. Ră anai, ƀing gơñu lêng suaih pral, huăi pơtuk, huăi duam, huăi ƀu mơ-ak amăng drơi jăn ôh, laih anun ăt glăk dŏ krăp lăng mơn.

Siu H’Mai: Pơblang