VOV4.Jarai - Tơdơi kơ hmư̆ hơmâo sa čô mơnuih phrâo ƀă klin Covid-19 lĕ mơnuih ngă văn thư (ngă bruă bơdjơ̆ nao hră pơ-ar), Jơnum min mơnuih ƀon sang tơring čar Gia Lai hơdai ngă bruă mơng ataih tui glông internet dong laih anun akŏ pơdong anih pơčlah pơƀut hrŏm pơhlôm bruă mă, ƀrô pơgang klin. Rơđah biă ñu, pô văn thư anai ngă bruă gah Anom bruă Jơnum min mơnuih ƀon sang tơring čar Gia Lai hơmâo pơčrang hăng RT-PCR laih anun ƀă kman SARS-CoV-2 amăng lơ 26/10. Tơdơi kơ ƀuh mơnuih ruă, Anom bruă git gai pơgang klin Covid-19 tơring Gia Lai hyu ĕp ƀing F1, pơgăn hơdôm anih mơ̆ pô ruă nao, pơčrang brơi 123 čô mơnuih ngă bruă amăng Jơnum min mơnuih ƀon sang Gia Lai, abih bang lêng huăi ƀuh kman ôh.

Rơngiao kơ anun, Jơnum min mơnuih ƀon sang tơring čar Gia Lai ngă bruă amăng internet mơng ataih dong yơh, pơhlôm 5K, pơgang klin. Amăng mơguah lơ 27/10, tơring čar Gia Lai čih pioh hơmâo 52 čô mơnuih ƀă kman SARS-CoV-2 hăng 56 čơđeh ia khak, ia adung mơng 191 čô mơnuih ƀă klin glăk hơmâo pơčrang glăi dong. Ră anai, 900 čô mơnuih glăk dŏ pơjrao.

Siu H’Mai: Pơblang