VOV4.Jarai - Lơ 15/9, tơring čar Gia Lai pơphun čơkă glăi giăm 250 čô đah kơmơi pi kian hăng ƀing čơđai glăk dŏ hơdip, mă bruă ƀơi tơring čar Bình Dương, Đồng Nai hăng ƀon prong Hồ Chí Minh glăi pơ plơi pla. Anai lĕ tal 3 nao čơkă mơnuih ƀon sang mơng anih hơmâo klin, hơmâo tơring čar Gia Lai pơphun ngă. Ƀing hơmâo tơring čar Gia Lai čơkă glăi tal anai hơmâo 209 čô đah kơmơi glăk pi ƀă, 37 čô čơđai hăng sa čô mơnuih amăng sang anŏ. Anai lĕ hơdôm čô mơnuih glăk dŏ hơdip, mă bruă ƀơi anih hơmâo klin kơtang, tơnap tap, rơngiă bruă mă, ƀu hơmâo anih dŏ laih anun gơñu lĕ mơnuih ƀon sang djuai ƀiă. Kiăng dưi nao čơkă glăi, abih bang rơdêh yua sang rơdêh Phương Trang ƀon prong Hồ Chí Minh hăng sang rơdêh Thuận Tiến Gia Lai djru ba; Kông ti pơčruh ngăn Hoàng Anh Gia Lai djru prăk nao rai. Ră anai mơnuih ƀon sang hơmâo ba nao pơčlah ƀơi tơring čar Gia Lai laih.

Siu H’Mai: Pơblang