VOV4.Jarai - Khul git gai pơgang klin Covid-19 tơring čar Gialai brơi thâo, amăng mlăm lơ 4/8, hơmâo dong 25 čô mơnuih ƀă klin Covid-19. Đĭ tui mrô mơnuih ƀă klin amăng ha hrơi lĕ 38 čô. Anai lĕ mrô mơnuih ƀă klin amăng ha hrơi lu hloh mơng hlâo anun. Sit biă ñu, amăng 38 čô mơnuih ƀă klin, lêng mơnuih glăi mơng kual hơmâo klin, ră anai glăk pơčlah pơƀut hăng pơčrang lăng mơtăm lơ̆m mut rai tơring čar. 3 čô mơnuih F1 hăng mơnuih ƀă klin mrô 36.712; 1 čô mơnuih mơgăt rơdêh pơgiăng gơnam mơng ƀôn prong Hồ Chí Minh - Đồng Nai nao pơ tơring čar Kontum, hơmâo weh nao hăng dŏ glăi pơ Pleiku mơng lơ 30/7 truh ră anai. Pô anai arăng ƀuh ƀă klin Covid-19 lơ̆m pơčrang lăng tañ. Tơring čar hơmâo kiăo tui ĕp hăng pơčrang lăng 10 čô mơnuih lĕ F1. Ƀing gơñu lêng huăi ƀă klin Sars-Cov2. Yua anun, mơng lơ 26/4 truh mơguah lơ 5/8/2021, tơring čar Gialai hơmâo 159 čô mơnuih ƀă virus Sars-Cov2, amăng anun hơmâo 7 čô mơnuih pơjrao suaih dưi glăi pơ sang.

Siu Đoan: Pơblang