VOV4.Jarai - Tlam tom brơi lơ 16/7, Gialai hơmâo dong 1 čô mơnuih ƀă virus Sars-Cov2.  Hmư̆ tơlơi pơhing kơ bruă pơčrang lăng tañ ƀơi sang ia jrao sang hră gưl prong Đaị học Y Dược Hoàng Anh Gialai lĕ mơnuih ƀă anăn N.T.T.N, thun tơkeng 1978, dŏ ƀơi ƀut plơi 8, tơring kual Phú Túc, tơring glông Krông Pa, tơring čar Gialai. Anom bruă wai pơgang klin tơring čar Gialai hơmâo pơkiăo nao ƀing apăn bruă pel ĕp anih hơmâo klin hăng pơphun pơčrang lăng. Truh 4 mông tlam anun, lơ̆m pơčrang  giong ƀuh ƀă virus Sars-Cov2. Mơnuih ƀă klin arăng ba nao pơčlah, pơjrao pơ sang ia jrao pơjrao mơnuih ƀă klin Covid-19, sang ia jrao prong tơring čar Gialai. Tơdơi kơ hmư̆ lăi pơthâo kơ mơnuih ƀă klin anăn N.T.T.N, khul git gai pơgang klin Covid-19 tơring čar Gialai ječ ameč kiăo tui ĕ ƀing jê̆ giăm hăng mơnuih ƀă klin; ngă tui hơdôm hơdră pơgang klin Covid-19 tui tơlơi pơkă.

Siu Đoan: Pơblang