VOV4.Jarai-Dong mơng ako\ thun 2017 truh ră anai, Gialai hơmâo ]ih pioh 558 ]ô mơnuih duăm đung drah [ơi 35 boh să, phường, tơring kual amăng 17 boh tơring glông, plơi prong.

Hơdôm tơring glông, plơi prong hơmâo lu mơnuih duăm đung drah hloh le\, plơi prong Pleiku hăng hơdôm tơring glông Phú Thiện, }ư\ Sê, Đưk Kơ. Ră anai, bơyan adai djrưh, hơjan na nao, amu` biă klin duăm đung drah tưp hyu laih anun kman Zika dong hơđuh rai.

Jơnum min mơnuih [on sang tơring ]ar Gialai pơtrun hiăp Gơnong bruă ia jrao kơtưn krăo lăng, [uh ta` pơjrao khut khăt tơlơi duăm đung drah hăng tơlơi ruă kman Zika, pơsir truh kih anăm lui klin hơđuh kơtang.

Hrom hăng anun, djop sang ia jrao khom prăp lui djop ia jrao, gơnam yua mă bruă pioh pơjrao kơ mơnuih duăm ruă.

Nay Jek: Pô ]ih hăng pôr