VOV4.Jarai - Krông Pa hlâo adih le\ sa amăng 3 bôh tơring glông [un rin hloh mơng tơring ]ar Gialai. Bruă mă yua [ơi anai abih bang kah hăng [u hmâo ôh bơ\ bruă đang hmua le\ [u djơ\ bơyan na nao yua kơ phang kho#t.

Tui anun mơn, rơwang mơng thun 2015-2020, tơring glông hmâo pơjing laih yak pơplih prong, hăng hơdôm bôh hnoh ia rim thun hmâo ngă giong dong kơ hơdôm blah đang hmua pơhrui glăi lu pơdai.

Bruă đang hmua [ơi Krông Pa ăt mơng [u hmâo jing hmâo, đa le\ jing anih ngă gru hlâo mơng tơring ]ar Gialai dong, hăng bruă măi mok pơkra gơnam tam hăng măi mok pơke\ apui yua, pơjing phun kơ pơđ^ kyar ta`, kơja\p amăng rơwang to# tui.

Hmua pơdai Kơ Ja, să }ư\ Gu, tơring glông Krông Pa, hlâo adih biă `u pioh tlaih hlô rông, samơ\ ră anai jing laih hmua pơdai ngă 2 bơyan.

Ơi H’ Vinh Vân, mơnuih [ôn sang brơi thâo, lu neh wa [ơi anai giăm yuă prah pơdai tal 4 laih [ơi hmua pơdai anai yap mơng ako# thun 2019, lom tơring glông pơkra giong kueng hnoh pơđoh ia mơng Dơnao ia Ia Mlah.

Rơngiao kơ hmua pơdai, ia mơng dơnao ia, hnoh ia do# djru mơnuih ngă đang hmua }ư\ Gu djơ\ bơyan hot djup dong, hăng rơnoh pơhrui kơmlai yu\ ngo\ kơ 50 klăk prăk sa bơyan sa ektar.

Ơi H’ Vinh Vân mơ-ak biă yua mơng ră anai neh wa [u do# bơngot kơ [u dưi pơhrui glăi gơnam tam pô tơju\ pla dong tah, hơđong pran jua bơwih [ong huă:

“Ping gah Kơnuk kơna hmâo đing nao laih djru gum kiăng neh wa hơđong pran jua tuh pơplai kơ bruă ngă đang hmua.

Ră anai tơlơi hơd^p mơda neh wa hơđong [ia\ laih. {u kah hăng hlâo dong tah, ră anai neh wa hur har pran jua ngă đang hmua, pơđ^ kyar bơwih [ong huă”.

Ring bruă hnoh ia }ư\ Gu

Tui hăng Anom bruă đang hmua hăng pơđ^ kyar [ôn lan Krông Pa, tơring glông ră anai hmâo 4 bôh dơnao ia, hnoh ia, 4 bôh bơnư\, dưi pơđoh brơi năng ai `u 7 rơbâo ektar.

Rơđah biă `u amăng mrô anai le\ Hnoh ia Ia Mlah, glăk pơđoh brơi giăm truh 3 rơbâo ektar đang hmua.

Hmâo hnoh ia, hơdôm kual lo\n kơ[ah ia [ơi să Đất Bằng, }ư\ Gu, }ư\ Ngọc, Phú Cần hăng tơring kual Phú Túc, lu `u jing anih anom mơtah mơda.

Abih bang noa bruă ngă đang hmua mơng tơring glông Krông Pa thun 2020 pơkă hlâo hmâo 2.600 klai prăk, đ^ lu hloh 1,4 wot bơhmu hăng thun 2015, hăng amra do# đ^ dong amăng hơdôm thun pơ\ anăp, lom kueng hnoh pơđoh ia pơkra giong, hơdôm ring bruă hnoh ia mă yua abih rơnoh pơđoh mă ia.

Bơhmu hăng bruă đang hmua, bruă măi mok [ơi Krông Pa jai hmâo yak pơplih prong, hăng abih bang noa `u giăm truh 2.200 klai prăk, đ^ lu hloh 2 wot bơhmu hăng thun 2015.

Biă `u, tơring glông [un rin pơ-iă hang phang huăih ră anai jing anih anom phun pơke\ apui yua hăng pơ-iă yang hrơi prong hloh tơring ]ar Gialai, hăng 2 rơwang bruă hmâo pơkra giong, 1 rơwang bruă glăk pơdo\ng pơkra, abih bang jua pơke\ rai 138MWp.

Tơdơi rơbêh kơ 1 thun mă yua, kơnong kơ 2 rơwang bruă pơke\ apui hăng pơ-iă yang hrơi, hmâo djru laih ngăn drăp do# lu hloh kơ pơhrui ngăn drăp mơng tơring glông dong lom akă hmâo hơdôm rơwang bruă.

Tui hăng ơi Tạ Chí Khanh, Kơ-iăng Khua Jơnum min mơnuih [ôn sang tơring glông, [ơi tơring glông do# hmâo 19 rơwang bruă pơke\ apui lơtr^k hăng pơ-iă yang hrơi glăk pel e\p, abih bang jua kơtang rơbêh kơ 1.000 MWp, amra pơjing rai yak pơphun prong kơ bruă bơwih [ong:

“Anai le\ ano# gal prong djru pơlar apui yua pơkra glăi hrom mơng lo\n ia ta, ăt le\ phun than pioh tơring glông Krông Pa, ngă tui dong pơplih hơdră bơwih [ong mơng bruă hro\ trun noa mơng gơnong bruă đang hmua, đ^ tui nua bruă măi mok pơ\ anăp anai”.

Ia rô nao pơ\ đang hmua pơ\ Krông Pa leng kơ pơhrui glăi lu pơdai, kơtor

Lom anun lu bôh anom bơwih [ong đing nao tơhnal gal apui lơtr^k pơke\ hăng pơ-iă yang hrơi mơng Krông Pa le\, [u [ia\ anom bơwih [ong lăng djơ\ tơhnal gal gah đang hmua hăng tuh pơplai kơ bruă pơkra gơnam tam mă mơng đang hmua – đang kyâu [ơi plơi pla.

Tui hăng yă Bùi Thị Quy, Khua phun akha Sang bruă bơwih [ong mơnuih [ôn sang s^ mdrô pơkra gơnam tam mă mơng đang hmua – đang kyâu Đường Vận Phát, anom bơwih [ong phrâo tuh pơplai giăm truh 500 klai prăk pioh pơdo\ng sang măi u\a tơpung hơbơi plum le\, hăng Krông Pa lăi ha jăn, tơring ]ar Gialai lăi hrom, pơđ^ kyar bruă đang hmua – đang kyâu, pơkra gơnam tam mă mơng đang hmua, đang kyâu, dưi hmâo mă lu tơlơi gum djru:

“Krông Pa anai le\ djơ\ biă hăng [ing tuh pơplai kah hăng [ing gơmơi. Tơring glông ngă gal brơi na nao kơ mơnuih tuh pơplai. Djop mơta hră pơ-ar leng kơ ta` hăng gêh gal”.

Sa rơwang bruă apui lơtr^k pơke\ hăng pơ-iă yang hrơi

Krông Pa hmâo gôm đ^ laih drơi pô “sa blah ao phrâo”, yak blung a do\ng kơja\p wot bruă đang hmua hăng măi mok. Ơi Nguyễn Duy Anh, Khua git gai Ping gah tơring glông Krông Pa brơi thâo, rơwang bruă 2015-2020, Ping gah tơring glông hmâo ngă giong hloh kơ pơkă amăng tơlơi pơtrun pơsit ako# rơwang bruă.

Amăng anun, rơnoh đ^ kyar hơnong `u rim thun hmâo giăm truh 11%; mrô sang ano# [un rin hro\ trun 39%; hmâo laih 2 bôh să djơ\ hăng plơi pla phrâo, glăk do# tơguam dưi tu\ yap.

Tui hăng ơi Nguyễn Duy Anh, tơring glông amra ngă klă bruă mơnuih apăn bruă, pơdo\ng glông bruă kơđi ]ar kơja\p kơtang, kiăng ngă tui ba glăi bôh tơhnal hloh dong hơdôm tơhnal gal hmâo dưi pơsit, anăp nao pơđ^ kyar ta` hăng kơjap phik:

“Rơwang bruă 2020-2025 tơring glông Krông Pa kơtưn pơdo\ng Ping gah, glông bruă kơđi ]ar kơja\p kơtang abih bang; ngă tui dong ano# gal, mă yua klă hơdôm tơhnal gal, đing nao pơđ^ kyar hơdôm gơnong bruă mă, măi mok pơkra gơnam tam, apui yua pơkra glăi; pơtrut kơtang mă yua bôh thâo phrâo – hơdră phrâo măi mok amăng bruă ngă đang hmua kiăng pơđ^ kyar bơwih [ong mơnuih mơnam, pơke\ hăng pơgang anih anom do#, pơhlôm đ^ kyar prong hăng kơja\p; pơtrut kơtang pơdo\ng plơi pla phrâo, hro\ trun [un rin kơja\p, pơplih pơkra tơlơi hơd^p mơda gơnam tam hăng pran jua mơng mơnuih [ôn sang”.

Pơdai mơtah laih hơdôm kual klung hu\p bă kơ rok rôm, ia hơdjă hmâo truh laih pơ\ plơi pla kơ[ah ia, hơbơi plum tơbâo mơng đang hmua hmâo đuăi glăi truh laih pơ\ sang măi do# [ơi hơdôm anih anom sit nik pơ-iă hang, hmâo amăng [rư\ ru\ đ^ hơdôm blah đang blok pơke\ apui lơtr^k hăng pơ-iă yang hrơi.

Anun le\ yak pơplih hăng 2 [e\ tơkai, kiăng tơring glông Krông Pa ngă plai [ia\ tơlơi [un rin, pơđ^ kyar kơja\p phik./.

Siu H’ Prăk: Pô pơblang