VOV4.Jarai - Mơguah lơ 3/8, tơring čar Gialai čih pioh hmâo rim hrơi truh kơ 39 čô mơnuih ƀă kơman Covid-19. Tui anun, abih bang mrô mơnuih ƀă kơman Covid-19 ƀơi tơring čar lĕ 111 čô mơnuih. Hăng bruă dô̆ čơlah mơnuih mơng anih klin ngă glăi, Grŭp črâo ba pơgang, pơgăn klin Covid-19 lăi pơhing, ƀơi tơring čar ră anai hmâo rơbêh kơ 4.200 čô mơnuih glăk ngă tui dô̆ čơlah ƀơi sang hăng rơbêh kơ 6.600 čô mơnuih pơkon glăk dô̆ čơlah ƀơi hơdôm anih anom pơƀut hơbit.

Ƀơi anăp tơlơi kơtang đĭ tañ mơng mrô mơnuih djơ̆ klin, biă ñu lĕ mơnuih mơng anih klin ngă glăi, tơring čar Gialai hmâo ba tơbiă laih jơlan gah prăp lui pruih ia jrao pơdjai kơman abih bang kual jum dar dô̆ gak wai lăng klin ƀơi jơlan mrô 14 (tơdrông toa 110, să Ea Ale, tơring glông Čư̆ Pưh), mă ia khak pơčrang lăng abih bang mơnuih ƀôn sang, hơdôm khul mă bruă ƀơi kual anai; tlâ̆o pơgang vaccine kơ mơnuih ƀôn sang jum dar anih dô̆ gak wai lăng klin./.

Siu H’ Prăk: Pô pơblang