VOV4.Jarai - Ring bruă dơnao pơko\ng ia Plơi Keo (să Ayun, tơring glông C|ư\ Sê, Gialai) hơmâo tuh pơ alin, man pơkra hăng nua prăk rơbêh 119 klai prăk, lu hloh mă mơng ngăn drăp kơnuk kơna, tui hơnong pơkă djru brơi mơnuih [on sang să le\ kual ngă hơkru\ đưm hlâo.

Anai le\ să rin rơpa hloh tơring glông C|ư\ Sê kiăng kơ pơko\ng ia pruih brơi 500 ektar phun pla, pơtrut pơđ^ kyar tơlơi bơwih [ong huă. Samơ\, lơ\m man pơkra giong, aka [u hơmâo arăng pel e\p glăi, aka [u dưi mă yua, samơ\ ring bruă răm rai [ơi lu anih. Bruă pơkra ming glăk pơphun samơ\ ăt [u klă lơi, ngă brơi giong đôc\, ngă kơ ring bruă aka [u thâo truh hơbin kah mơng dưi mă yua.

Ayong Đinh Kyơi, Khua [ut plơi A Chông (să Ayun, C|ư\ Sê) brơi thâo, `u [uh lu ară king ia găn nao hmua pơdai amăng plơi răm rai mơng hrơi phrâo pơkra giong amăng rơnuc\ thun 2019. Truh ră anai, tơdơi kơ ha mơkrah bơyan hơjan hlim blung a, lu anih răm rai kơtang.

Hơdôm hơnoh ia phun pơđoh hyu đing ia anet [uh lu anih đang prong dưi dưm ha pe\ tơkai, lu king ia we\ wo\, tơhlo\m, c\ah răm rai. Kơtuai tui king ia phun, lu anih c\ah đang, lo\n pơtâo dor h^ king ia, amra ngă glông ia [u dưi rô nao rai. Ayong Đinh Kyơi brơi thâo:

{ing gơmơi bơngo\t biă mă, aka [u mă yua samơ\ răm rai lu anih. C|ang rơmang gong gai [on lan ngă hiưm pă kiăng kơ ring bruă anai pơhlôm klă kiăng mơnuih [on sang ta` hơmâo ia pruih phun pla.

Hnoh ia răm rai ăt hơmâo e\p [uh laih, samơ\ blan 12/2019, Jơnum min mơnuih [on sang tơring glông C|ư\ Sê, anom bruă tuh pơ alin man pơkra hơmâo pơsit kông ti TNHH man pơdong Nghĩa Thành – Quảng Nam, anom bruă man pơkra giong 100% dơnao pơko\ng ia, laih dong mơ-it nao anom bruă djă pioh ngăn drăp tơring c\ar tla glăi giăm abih rơnoh prăk tuh pơ alin le\ 69,9 amăng 70 klai prăk.

Lơ\m hmư\ hing ring arăng jăm răm rai, anom bruă tuh pơ alin rơkâo anom bruă man pơkra nao pơkra ming. Samơ\, tui hăng ơi Nguyễn Hồng Minh (Kông ti TNHH man pơdong Nghĩa Thành) gơgrong kiăo tui lăng bruă man pơkra, ring bruă pơkra [u kjăp ha bơnah le\ yua [u kiăo tui lăng na nao.

King ia man pơkra glông, [ing gơmơi [u dưi kiăo tui lăng 100% mơtăm ôh, yua anun đa [ing gơ`u pơkra [u klă ôh, lơ\m pơđoh rai ia amu` ngă răm rai, hơdôm anih [ing mă tơlơi pơhing phrâo lăi nao [ing gơmơi hơmâo pơkra ming laih.

{ing gơmơi phă h^, man pơkra glăi, tuh [êtông. Hơdôm anin c\ah đang kho\m tuh glăi [êtông hle. Bruă anai truh lơ 21/8 hơmâo man pơkra giong laih.

Nao lăng tơl dơnao pơko\ng ia Plơi Keo, [ing gơmơi [uh ăt do\ hơmâo anih răm rai. C|uah lơ\m man pơkra glăi arăng pơluk lu đơi, sa, dua anih arăng đol jang jai mă đôc\, [ing ta dưi kuăi kor đuăi hăng tơngan, yua kơ tuh mă simăng pih [ơ[iă.

Yă Rmah H’Glar, Kơ-iăng khua git gai Ping gah tơring glông C|ư\ Sê hơđăp (rơwang thun 2010-2015) brơi thâo: Ayun le\ să ngă hơkru\ đưm hlâo adih, samơ\ kơ[ah ia yua anun rơbêh 80% le\ sang ano\ [un rin hăng giăm [un rin. Bruă tuh pơ alin man pơkra dơnao pơko\ng ia [ơi să Ayun pơdah tơlơi đing nao mơng gơnong glông, kiăng pơtrut pơđ^ kyar tơlơi bơwih [ong huă.

Tui hăng yă H’Glar, bruă wai lăng ring bruă aka [u klă, ngă răm rai, bruă man pơkra ming ngă tui arăng pơgo\ đôc\, pơkra [u kjăp ôh, [u djơ\ kơnong bơbec\ sat nao hơnong pơkă pơklaih mơng [un rin đôc\ ôh mơ\ ăt ngă lu [u mơnuih [u đăo gơnang dong.

Kâo lăng [ing man pơkra ring bruă anai [u mă bruă abih pran ôh, [u gơgrong. Man pơkra hăng ngăn drăp Kơnuk kơna, pơkra ring bruă yôm phăn brơi mơnuih djuai ania [iă kual ataih, asuek, kual tơnap tap mơ\ man pơkra [u sem lăng tong ten, mă bruă [u gơgrong ngă huăc\ ngăn drăp kơnuk kơna rah, ngă mơnuih [on sang [u đăo gơnang rah.

Siu Đoan: Pơblang hăng pôr