Anai lĕ khul tuai jar kmar đĭ ƀattô prong blung a rai truh pơ Đà Nẵng thun phrâo 2024. Gơnong bruă wai lăng tuai čuă ngui ƀôn prong Đà Nẵng ngă hrŏm kông ty pơčruh ngăn tơdrun kompăn Đà Nẵng, Tơhan pơgang guai dêh čar ƀơi tơdrun kompăn Đà Nẵng hăng kông ty ba tuai hyu ngui Destination Asia pơphun nao čơkă tuai rai truh pơ tơdrun kompăn Tiên Sa.

Tuai hyu ngui anai lu biă mă rai mơ̆ng dêh čar Hà Lan, hơdôm dêh čar kual Mi kô̆, Canada, Mi, Hàn Quốc, Japan, Australia. Ƀing tuai hyu čuă ngui amăng sa hrơi, ĕp lăng djop anih anom hmư̆ hing amăng ƀôn prong Đà Nẵng kah hăng anih čuă gru hiam Ngũ Hành Sơn, pra yang chùa Linh Ứng, sang djă pioh gơnam gru đưm trah ming djuai ania Chăm ƀơi Đà Nẵng. Him lăng thun 2024, amra hơmâo 45 wơ̆t ƀattô ia rơsĭ pơgiăng rơbêh 40.000 čô tuai hyu ngui rai pơ Đà Nẵng.