VOV4.Jarai - Hăng anăn ñu “Pơplih phrâo hơdeč - dưi hrưn đĭ”, Jơnum pơplông pôr tơlơi pơhing tar ƀar tal 15 thun 2022 yua Gong phun pơtui jua pơhiăp dêh čar Việt Nam (VOV) ngă hrŏm hăng Jơnum min mơnuih ƀon sang ƀon prong Hồ Chí Minh hơmâo pơphun jơnum tal rơnuč mơmot tom brơi (4/8) ƀơi Sang adoh ƀon prong Hồ Chí Minh. Jơnum pơplông thun anai hơmâo 86 anom bruă gum nao pơplông, hơmâo 203 tơlơi pơhing dưi mut pơplông tal rơnuč, hơmâo 65 tơlơi čih gah phóng sự, 37 tơlơi čih hơduah tơña; 11 tơlơi čih ră ruai; 57 tơlơi čih kiăo tui akŏ bruă pôr pơhing; 33 tơlơi ngă sen; 34 tơlơi pơhing pơdah ƀơi anăp.

Jơnum pơplông pôr pơhing tal anai jing bruă yôm biă mă hăng ƀon prong Hồ Chí Minh wơ̆t hăng amăng dêh čar ta tơdơi kơ rơbêh 2 thun pơgang klin Covid-19. Hơdôm tơlơi pơhing lăi nao sit, lăi nao lu mơta tơlơi amăng bruă pơgang klin kheng hăng rŭ glăi tơlơi bơwih ƀong huă - mơnuih mơnam amra hơmâo pơpŭ hăng brơi pri amăng tal Jơnum anai.

Siu H’Mai: Pơblang