Hăng anăn “Âm Vang đại ngàn”, Jơlan hơdră pok pơphun hăng mông rơbat tum pơƀut, pơdah rup rap djop djuai ania tum pơƀut hrŏm sa boh plơi-anih tơkuh nao rai gru grua, pran đăo gơnang, anăp nao hơnong pơkă pơjing Gia Lai pơdrong asah, hiam klă hăng pơđĭ kyar hơđong kjăp.

Tŏ tui lĕ jơlan hơdră ngui adôh suang hăng mông atông čing hơgor pơdah tơlơi hơdip gru grua, pran hrưn đĭ mơng djop djuai ania. Amăng anun, ƀing rơgơi kơhnâo rai mơng 17 boh tơring glông, plơi prong amăng tơring čar hơmâo hơkrŭ glăi lu tơlơi ngă yang gru grua anun lĕ: ngă yang ba ia glăi pơ plơi pla, trôm kơbao, ngă yang pơpŭ bơni, ngă yang Sơmă Kơcham, tơlơi adôh tuồng, pĕ gông brô̆ djuai ania, trah rup kyâo, mơñam rêu rô, mơñam abăn ao.