VOV4.Jarai - Čơtlăm lơ 5/5, ƀơi ƀôn prong Hồ Chí Minh pơphun ngă Lơphet kĭ pơkôl gum hrom “Fado Go gum hrom V Gaming pơplông SEA Games 31 thun 2022”. Kiăo tui anun, Fado Go amra djru 2 grŭp E-Sport (bơkơjăp drơi jăn điện tử) gah bruă pôr pơhing hăng hơdôm gơnam ƀơk brơi mơng hơdôm grŭp E-Sport dưi hmâo mă pri prong amăng tơlơi pơplông. Gum hrom kơplah wah dua bơnah ăt ngă gal brơi mơn kơ mơnuih mă yua blơi prăp hơdôm gơnam mơng grŭp E-Sport, djru E-Sport pơđĭ kyar klă hăng kơjăp. Ră anai anô̆ gal mơng bruă bơkơjăp drơi jăn điện tử prong biă, anun bruă gum hrom hăng hơdôm grŭp ăt amra djru mơn kơ E-Sport nao giăm hăng khul mơnuih hăng pơjing phun than kiăng pơđĭ kyar kơjăp pơgi kơdih anai. Ƀơi anăp, hluai tui gum hrom tal anai bơnah gah pô gum djru čang rơmang amra dưi djru Việt Nam đĭ tui bôh tơhnal amăng tal pơplông SEA Games ƀơi dêh čar pô./.

Siu H’ Prăk: Pơblang