Lăi pơthâo glăi ƀơi mông jơnum, amăng 3 blan tal 1, amăng đơ đam dêh čar, hơdôm bruă pơčeh phrâo, adoh suang, pơƀuh hyu boh hră, tơlơi adoh suang hơmâo pơphun dik dak, hăng lu hơdră ngă bruă phara, kiăo tui tơlơi kiăng mơ̆ng mơnuih ƀôn sang.
Kơ bruă mă amăng 3 blan tal 2 thun 2024, ơi Nguyễn Minh Nhựt, Khua anom bruă gru grua, adoh suang, Anom pơtô bruă Ping gah dêh čar brơi thâo, Khul pơlir hơbit djŏp anom bruă bơdjơ̆ nao pơƀut lăi pơthâo djŏp hơdôm tơlơi pơtrun, hơdră ngă bruă mơ̆ng Ping gah, tơlơi djru mơ̆ng kơnuk kơna kơ gru grua boh thâo, adoh suang kơ abih bang mơnuih apăn bruă čih boh hră hiam, adoh suang. Čih pơkra hơdră ngă bruă, pơtrut pơsur hơdôm khul grup gum čơkă hơdôm tơlơi jơnum prong, hrơi pơdơi prong mơ̆ng lŏn ia kah hăng pơklaih rơngai kual Dơnung pơlir hơbit lŏn ia lơ 30/4, Hrơi jar kmar pơpŭ kơ Mơnuih mă bruă lơ 1/5; 70 thun Blah dưi ƀơi Điện Biên Phủ.
Viết bình luận