VOV4.Jarai - Amăng bruă Jơnum ngui adoh suang dêh čar ta tal 1, tlam lơ 20/5, Khul pơlir hơbit mơnuih rơgơi bruă Čih hră Adoh suang Việt Nam ngă hrŏm hăng Khul čih hră Adoh suang tơring čar Dak Lăk pơphun bưp nao rai kơplah wah Khua Khul boh thâo Čih hră Adoh suang Việt Nam hăng khua mua hơdôm Khul Čih hră Adih suang gum jơnum ngui adoh suang dêh čar tal 1 thun 2022. Anai jing hrơi bưp sit nik blung a kơplah wah Khua khul Čih hră Adoh suang Việt Nam Đỗ Hồng Quân hăng khua mua hơdôm Khul boh thâo čih hră Adoh suang hơdôm boh tơring čar.

Ƀing khua phin rup djă lui

Ƀơi mông bưp, khua mua Khul boh thâo čih hră adoh suang hơdôm boh tơring čar hơmâo lăi nao hơdôm tơlơi tơnap, tơlơi gêh gal amăng hrơi mông mă bruă. Lăi nao tơlơi thâo, hơdră pơphun bruă rơgơi mơng khul đah mơng ngă bruă tŭ yua, pơtruh nao rai mơnuih amăng khul. Ƀing khua ăt lăi nao hơdôm tơlơi aka ƀu rơđah bơdjơ̆ nao hơdră ngă bruă, tơlơi dưi hăng mrô kơđŏm hră mơng khul ƀơi tơring. Rơkâo đĭ hơdôm bruă amăng bruă ngă hrŏm hăng bruă djru mơng Khul. 

Siu H’Mai: Pơblang