Mơ̆ng lơ 29 blan 12 blan ta truh lơ 5 blan sa jing hrơi tal rơma thun phrâo, Đà Lạt hơmâo pơhưč 238.000 čô tuai hyu čuă ngui, ĕp lăng, pơdơi pơdă, đĭ giăm 62% pơkă hăng tal anai mơ̆n thun 2023. Amăng mrô anun hơmâo 18.000 wơ̆t tuai dêh čar tač rơngiao, đĭ tui 114%  hăng giăm 180.000 wơ̆t tuai dŏ glăi mlăm.

Mrô tuai đĭ lu amăng hrơi tal 3, tal 4 hăng tal 5 ngă kơ djop sang sĭ mơdrô mơnong ƀong huă kơniă anih soh amăng Đà Lạt. Kiăng huăi rô nao rai kơniă kơđông jơlan ƀing  kông an plơi prong Đà Lạt hơmâo iâu pơtum truh abih bang tơhan kông an nao djru mă bruă, pơčrâo jơlan, pơpha anih rô nao rai kiăng hluai ƀiă, hyu ĕp lăng hăng pơsir khut khăt ƀing ngă soh, mơñum  tơpai ƀiêr ăt mơgăt rơdêh mơ̆n, ƀing ngă soh đĭ hmar, weh ƀu djơ̆ găl, blă tă tăn, đĭ rơdêh seng nao rai….