Ƀrô hrơi plơi prong jar kmar lơ 31/10, plơi prong Đà Lạt sit nik hơmâo UNESCO pơpŭ, mut hrŏm amăng hơdôm boh plơi prong pơčeh phrâo UNESCO amăng tơlơi adôh suang. Anai lĕ tơlơi yôm phăn kiăng plơi prong Đà Lạt lăng glăi, tŏ tui hơdôm tơlơi dưi amăng pơčeh phrâo tơlơi adôh suang, pơgôp pok prong tơlơi rô nao rai ngă hrŏm hăng jar kmar, pơtrut bơwih ƀong-mơnuih mơnam ƀơi ƀon lan pơđĭ kyar.

Tui ơi Trần Quang Tú, Khua Jơnum min mơnuih ƀôn sang plơi prong Đà Lạt, hrŏm hăng pơtrut bruă pơtô pơblang, hrưn đĭ tơlơi pơmĭn, tơlơi gơgrong amăng mơnuih mơnam, Đà Lạt glăk pok pơhai ha amăng plĕ lu hơdră kiăng djă pioh, pơtrut plơi prong pơčeh pơđĭ kyar amăng tơlơi adôh suang tui tơlơi ƀuăn hăng UNESCO. Amăng anun, đing nao ngă klă bruă djă pioh tơlơi adôh suang tui gru grua hơđăp, ngă gêh gal amăng hơdră bruă kiăng pơhưč, pơtrut pơđĭ kyar djop mơta tơlơi adôh suang.