Hăng anăn ñu “Tŭ mă Đà Nẵng 2025 – Lông lăng lu mơta”, jơlan hơdră lăi pơthâo hơdôm tơlơi jơnum ngui, tơlơi jơnum phara ha jăn, anih anom tuai čuă lăng phrâo hăng hơdôm anung prăk pơsur pơhưč tuai čuă lăng lơm nao pơ̆ Đà Nẵng amăng thun anai.

Amăng anun đing nao 2 jơlan hơdră phara ha jăn, tuai čuă ngui amra dưi čơkă mă hơdôm tơlơi pơsur pran jua kah hăng brơi hyu lăng đôč, lông lăng ƀơi sa dua kual, anih tuai čuă lăng; hrŏ trun ha mơkrah prăk hră hơdôm tơlơi dô̆ glăi, ngui ngor ƀơi sa dua anih anom tuai čuă ngui mơ̆ng hơdôm bôh anom gum hrŏm jơlan hơdră pơsur pơhưc tuai. Ơi Tán Văn Vương, Kơ-iăng Khua Gơnong bruă tuai čuă ngui ƀôn prong Đà Nẵng brơi thâo, kual Tŏng Krah – Dap Kơdư lĕ sa amăng 3 anih anom phun mơ̆ Đà Nẵng anăp nao amăng hơdôm tal pơtrut pơsur tuai čuă ngui amăng thun anai./.