Tui hăng anun, hơmâo 6 čô mơnuih ba tơlơi čih pơdah thâo hơdră tal pơplông laih anun tŭ mă lu puang hloh pioh dưi apah bơni. Pô pơplông Tạ Tuấn Anh mơ̆ng ƀôn prong Hồ Chí Minh hơmâo mă pri sa, pri dua lĕ jao kơ Nguyễn Hương tơring čar Dak Nông, pri klâo brơi kơ Lê Đức Mạnh tơring čar Dak Lak hăng klâo pri pơsur pran jua ƀơk kơ hơdôm čô Phan Hồng Phong tơring čar Quảng Trị, Hồ Quang Minh Thắng tơring čar Kon Tum hăng Mai Hoàng Phát ƀôn prong Hồ Chí Minh.

Tui hăng ƀing khua mua čom puang, bruă pơtong glăi anŏ hiam kơphê jơman tal pơplông anai tui hăng tơlơi pơkă phrâo mơ̆ng Khul bruă kơphê jơman hloh-SCA pô ba tơbiă, ngă kơ ƀing pơplông bưp lu tơlơi lông lăng phrâo mơ̆n tal pơplông thun anai. Khă hnun, ƀing pơplông hơmâo găn rơgao hiam klă hăng hơmâo puang lu hloh lăp hăng puang pơkă mơ̆ng jar kmar. Tơlơi anai ăt pơtong rơđah, khul grup ngă bruă hna kơphê Việt Nam jai hrơi pơđĭ kyar hăng kơhnâo kơhnăk hloh amăng bruă pơkra ming tơpung hăng ia kơphê jơman hloh.