Bruă ngă anai, amăng lu bruă ngă hok mơak čơkă tơlơi ngui ngor jơnum bruă kơphê Ƀuôn Ma Thuôt tal 9, čơkă mơak hơdor glăi 50 thun hrơi pơklaih rơngai, laih anun 120 thun akŏ pơdong tơring čar Dak Lak. Tal anai, hơmâo pơtum giăm 100 čô mơnuih pơplông, rai mơ̆ng 16 grup, tơring kual Liên Sơn, hơdôm să Dak Liêng, Bông Krang, Yang Tao tơring glông Lak laih anun kông ty tuai čuă ngui Lak Tedcam.

Ƀing nao pơplông tuah ia song đuăi hmar, sa boh song 2 čô, 3 čô hăng 4 čô đĭ. Boh tơhnal laih pơplông, grup mrô 10 tơring kual Liên Sơn mă pri prong hloh amăng 3 mơta tơlơi pơplông. Tal pơplông tuah ia song atong bui, song kyâo anai lĕ sa bruă mă gru grua hiam mơ̆ng đưm djuai ania Bơnông hăng lu djuai ania pơkŏn jing ƀing ngă bruă hyu mă, trah akan amăng ia krông Ana laih anun trah akan amăng dơnao Lak ƀơi đơ đam tơring glông Lak, tơring čar Dak Lak.