Pri prong hloh Đại học Đà Lạt hmâo mă; grŭp hmâo mă pri tal 2 lĕ Đại học Dăp Kơdư; hơdôm grŭp Cao đẳng khul plơi pla Kon Tum tal 3 hăng Cao đẳng Bách khoa Dăp Kơdư tal 4. Tui tơlơi pơsit mơng Grŭp pơphun bruă pơplông, khă anai lĕ pri pioh kơ bruă hăng tal blung a dưi pơphun ƀơi hơdôm bôh tơring čar Dăp Kơdư, samơ̆ anô̆ klă bruă mă mơng pơplông tâ̆o biă; rim tal pơplông ngă pơhư̆č hơdôm rơtuh ƀudah đa lĕ hơdôm rơbâo čô mơnuih nao lăng pơ̆ Sang pơplông bơkơjăp drơi jăn tơring čar Dak Lak lăng hăng pah tơngan kơ hơdôm mơnuih pơplông.

Amăng mông pơđut, hrom hăng jao kup, prăk bơni, miđai hăng hơdôm pri gah tlôn pơkon kơ mơnuih pơplông, hơdôm grŭp hmâo mă pri tal anai, Grŭp pơphun bruă pơplông hăng pô gum djru hmâo ƀơk laih 27 črăn prăk hrăm hră, rim črăn hmâo nua 5 klăk prăk kơ 27 čô čơđai gưl dlông hơdôm bôh sang hră gum hrom pơplông hmâo mă pri rơđah hloh amăng hrăm hră ăt kah hăng ƀơi sa dua bruă pơkon./.