VOV4.Jarai - Lơ 1/5 pơ anăp, ƀơi plơi prong Buôn Ma Thuột, Gơnong bruă gru grua - bơkơjăp drơi jăn hăng tuai čuă ngui Dak Lăk amra ngă hrŏm hăng pô pơčeh tơlơi adoh nhạc sĩ Nguyễn Cường pơphun mlăm adoh suang “Nao pơ Kual Dap Kơdư” hăng pơdah tơlơi adoh suang Khát vọng Dam San.

Tơlơi adoh suang Khát vọng Dam San amra pơdah amăng lơ 1/5/2022.

Bruă pơčeh tơlơi adoh, dưm dăp tơlơi adoh suang Khát vọng Dam San hơmâo Jơnum min mơnuih ƀon sang Dak Lăk pơsit brơi ngă mơng thun 2020 kiăng pơkra rai sa tơlơi pơčeh phrâo prong kơ tơlơi adoh suang Việt Nam, bơni kơ tơlơi kơtưn, hrưn đĭ mơng djuai ania Êđê ƀơi Dap Kơdư amăng rơnuk đưm hăng mơng Dak Lăk rơnuk anai. Tơlơi adoh suang yua nhạc sĩ Nguyễn Cường pô čih, pô pơčrâo brơi, nghệ sĩ nhân dân Y San Alio ngă pô pơtô brơi adoh suang, ƀing apăn bruă adoh suang tui gru djuai ƀiă Dak Lăk pơtŏp hăng prăp lui giăm 2 thun laih anun hơmâo pơdah lăng amăng rơnuč thun 2021.

Siu H’Mai: Pơblang