Tui hăng khua mua tơring čar Dak Lak, amăng thun rơgao, mah bưp lu tơlơi tơnap tap, lông lăng samơ̆ tơring čar ăt djă bong rơnoh pơđĭ kyar bơwih ƀong huă mơnuih mơnam; pơtum lu pran jua gum hrŏm amăng bruă mă hăng pơtrut tañ pok pơhai lu hơdră pơtrun mơ̆ng dêh čar laih anun hơdôm kơčăo bruă tuh pơ alin kơ bruă čar. Gah bruă ia jrao, gru grua hiam, pơrơguăt drơi jăn, tuai čuă ngui, boh thâo ia rơgơi phrâo, tơlơi pơhing, pơtô hrăm hăng pơtô bruă mă ba glăi boh tơhnal tŭ yua klă. Amăng boh tơhnal anun, hơmâo tơlơi djru hrŏm mơ̆ng mơnuih rơgơi kơhnâo mă bruă čar, ƀing kơhnăk adoh suang bruă gru hiam hăng ƀing čih tơlơi pơhing phrâo gum hrŏm ƀơi tơring čar.

Thun 2024 lĕ thun pơtrut ngă bruă kơtang hloh, pơtrut hmar ngă tui tŭ yua tơhnal pơkă, mrô rơnoh pơtrun, bruă glăm ba mơ̆ng tal jơnum ruah khua ping gah tơring čar, khua mua tơring čar Dak Lak čang rơmang ƀing mơnuih rơgơi kơhnâo, mơnuih kơhnăk adoh suang hăng ƀing čih tơlơi pơhing phrâo amăng tơring čar ăt djru hrŏm lu hloh amăng djop bruă mă kiăng pơgôp hrŏm akŏ pơdong tơring čar Dak Lak pơdrong sah, thâo rơgơi hăng djă kjăp rơnoh yôm gru grua hiam đưm djuai ania.