VOV4.Jarai - Ngă tui Hrơi gru grua đok hơdrôm hră, ƀơi Sang hră gưl tlâo Võ Văn Kiệt, tơring glông Ea H’Leo, Khul čih boh pia, adôh suang tơring čar Dak Lak gum hrŏm hăng gơnong bruă gru grua, bơrơguăt drơi jă hăng tuai čuă ngui, gơnong bruă pơtô pơjuăt, Khul hlăk ai tơring čar hăng Sang pơđok hơdrôm hră tơring čar pơphun Jơlan hơdră “Hơdrôm hră hăng hlăk ai čơđai”.

Jơlan hơdră pơphun lu bruă anuin lĕ: pơphun pơplông pô pơ ala brơi gru grua pơđok hơdrôm hră tơring čar Dak Lak thun 2022; lăi pơthâo hơdrôm hră “Tơlơi yôm mơng Hồ Chí Minh - Hră mơ-it kơ hlăk ai”; pơtô pơblang tơlơi phiăn “Pơhlôm hơđong lơ̆m yua internet hăng plang mơnuih mơnam”. Yă Niê Thanh Mai, Khua Khul čih boh pia, adôh suang tơring čar Dak Lak brơi thâo, jơlan hơdră kiăng kơ djru brơi čơđai sang hră hor pơđok hơdrôm hră, ngă gêh gal kiăng pơđĭ kyar gru grua đok hră mơng čơđai sang hră, biă mă ñu hơdôm sang hră kual ataih, asuek.

Siu Đoan: Pơblang