Him lăng amra hơmâo hơdôm rơbâo kơčok ia kơphê brơi mơñum soh sel đôč, kiăng hơdor tơngia kơ mơnuih ƀôn sang laih anun pơhưč ƀing tuai nao ngui ƀơi plơi prong Ƀuôn Ma Thuôt, tơring čar Dak Lak tal anai.
Tui hăng ơi Trần Đức Nhật, Kơ-iăng khua jơnum min mơnuih ƀôn sang plơi prong Ƀuôn Ma Thuôt, tơring čar Dak Lak, tơdơi kơ ngă tui tŭ yua tui hơdră mơñum kơphê huăi apah prăk ƀơi mông jơnum ngui bruă kơphê Ƀuôn Ma Thuôt tal 8, thun 2023, plơi prong Ƀuôn Ma Thuôt ruah mă lơ 10/3 rim thun amra pok pơhai brơi djop sang bruă hrong ia kơphê sĭ kơ tuai hăng mơnuih ƀôn sang mơñum đôč ƀu apah prăk, pơphun ƀơi 3 boh anih, anun lĕ sang čơ anăn Chợ phiên @ Ƀuôn Ma Thuôt, Tơdron lăk lơ 10/3 hăng jơlan Đường Sách Ƀuôn Ma Thuôt, amăng dua hrơi lơ 9 hăng lơ 10/3. Hrŏm hăng anun, plơi prong ăt pok pơhai bruă mă bơwih brơi kơ tuai mơñum ia kơphê ƀu mă prăk amăng djop phường, să boh ƀiă amăng sa hrơi lơ 10/3.
Viết bình luận