Kiăng pơsir hĭ hơdôm tơlơi gun glăk ƀuh ră anai, hơmâo prap lui akŏ bruă hơdôm thun anai hăng sui thun pơ anăp kiăng pơhưč mơnuih ƀon sang nao tum pơƀut ƀơi sang jơnum amăng plơi pl, anai lĕ hơdôm boh tơhnal phun mơng Jơnum klah čun 3 thun ngă tui tơlơi pơtrun mơng Jơnum min mơnuih ƀon sang tơring čar kơ bruă ba tơbiă tơlơi pơkă pơphun hăng bruă mă mơng Sang gru grua plơi pla, yua Jơnum min mơnuih ƀon sang tơring čar Dak Lak pơphun mơguah (16/12).

Tui yă H Yim Kđoh, Kơ-iăng Khua Jơnum min mơnuih ƀon sang tơring čar Dak Lak, kiăng hrưn đĭ klă dong amăng bruă mă mơng hơdôm sang gru grua amăng plơi pla, Jơnum min mơnuih ƀon sang tơring čar, Jơnum min mơnuih ƀon sang gưl tơring glông hăng să kiăng ngă tui klă hơdôm tơlơi pơkă amăng pơphun hăng bruă mă; đing nao kah pha ngăn drăp kiăng ngă tui hơdôm boh tơhan hơmâo amăng tơlơi pơkă. Hơdôm boh ƀon lan ăt kiăng prap lui bruă mă amăng rĭm thun hăng sui pơ anăp kiăng pơhưč mơnuih ƀon sang nao jơnum pơƀut. Yă H Yim ăt rơkâo gơnong bruă gru grua-bơrơguăt drơi jăn hăng tuai čuă ngui tŏ tui pel ĕp, čih anăn hăng pơphun lăp djơ̆ kiăng pơhlôm brơi anih bang plơi pla ƀon lan lêng kơ hơmâo sang gru grua plơi pla, bruă mă tŭ yua.