Rơđah biă ñu, gơnam djă pioh gai jơi khuer hăng pơtâo Thác Hai hơmâo abih bang 250 ƀĕ mơta jơi, amăng 200 ƀĕ mơta jơi khuer pơtâo dŏ hnong hăng 50 mơta gơnam pơkĕ hrŏm ngă bruă khuer; dưi hơmâo sang bruă djă pioh gơnam djru đưm Dak Lak ngă hrŏm sang bruă djă pioh gơnam gru phun dêh čar ĕp ƀuh hăng tŭ mă ƀơi anih ĕp gơnam gru đưm Thác Hai, gah thôn 6, să Ia Jlơi, tơring glông Ea Sup, Dak Lak. Anih hơmâo mă gơnam đưm ƀơi Thác Hai dưi ƀuh lơ̆m akŏ thun 2020, rŭ mă tal sa mơ̆ng blan 3 truh blan 4/2021; tal dua mơ̆ng mơ̆ng blan 11/2021 truh blan 5/2022.

Mơ̆ng anun, dưi pơtong sit gơnam gru grua anai hơmâo anih dŏ glăi amăng lŏn dơlăm 2 met, amăng lăm adih hơmâo amăng hrup luh pơsat, amăng pơtâo jŭ khiă hrŏm hăng lu mơta gơnam hơmâo kah hăng mơta jông, gŏ ia man hăng lŏn khur, bah kơƀang čom kơđuh, hmôk kyâo hăng pơtâo, gơnam yua čơlŭ, mŏng, gŏ lŏn khur, gêt čai, rơbêh 1000 ƀĕ mơta jơi khuer hăng pơtâo djop mơta hăng hơdôm rơbâo rơbăn meh pơčah anet prong duñ ba glăi. Tui hăng mơnuih rơgơi kơhnâo ĕp lăng gơnam gru đưm, jơi khuer hăng pơtâo anai prong hăng lu biă mă hơmâo mơ̆ng rơnuk ană mơnuih mơnam thâo mă yua boh pơtâo laih ƀơi kual Dap Kơdư arăng ĕp ƀuh ƀơi drai ia Thác Hai.