Amăng dua hrơi rơnuč hrơi kom rơgao, ƀơi jơlan Đường Sách hơmâo pơphun lu bruă mă yôm phara biă mă kah hăng: Lăi pơthâo hơdrôm hră pioh kơ čơđai muai pơđok Cà Nóng nao ngui pơ Trường Sa hăng bưp ră ruai tom pô čih hră Bùi Tiểu Quyên; lăi pơthâo hơdrôm hră tơlơi akhan Dế Mèn klêr đuăi hyu ngui hăng bưp ƀing čih pơčeh tơlơi ră ruai hơk hơr čih tơlơi ră ruai pioh kơ čơđai muai pơđok hăng akŏ tơlơi bơ ră ruai “Ƀing ta hor mơ̆n ƀing čih pơčeh tơlơi hơk hơr”.

Nao jơnum ngui hrom, ƀing čơđai muai tŭ mă gơnam arăng ƀơk hơdrôm hră pioh kơ čơđai pơđok hmư̆ hing kah hăng: Lŏn glai kual dơnung, ƀơi kơdư čư̆ angin pưh, Rơma čô čơđai plơi kơdư ƀudah tơlơi ră ruai Klêr hyu ngui. Amăng hơdră ngui ngor anai, Sang bruă Khul pơčeh tơlơi hơk hơr adoh suang tơring čar Dak Lak pơsit hĭ kơčăo bruă “Brơi hơdrôm hră tơlơi hơk hơr kơ čơđai sang hră kual ataih” mơ̆ng Khul čih pơčeh tơlơi hơ̆k hơr Việt Nam djru 600 hơdrôm brơi kơ čơđai pơđok.