Ƀơi mông jơnum, ƀing khua hơmâo bơkơtuai, ngă rơđah anŏ yôm mơ̆ng Akŏ bruă kơsem min gru grua đưm Việt Nam amăng bruă djă pioh răk lui gru grua boh thâo djŏp djuai ania tơring čar Dak Lăk rơnuk anai; hơdră mă yua Hơdrôm hră kơsem min gru grua boh thâo Việt Nam thun 1943; đĭ kyar gru grua boh thâo djŏp djuai ania ƀơi Dak Lăk tui pran jua mơ̆ng Hơdrôm hră kơsem min gru grua đưm Việt Nam thun 1943.
Lu khua ăt bơkơtuai kơ hơdôm bruă bơdjơ̆ nao bruă ngă tui Tơlơi pơtrun mơ̆ng Ding jum kơđi čar tal 10 kơ akŏ pơjing hăng pơđĭ tui gru grua boh thâo hiam amăng rơnuk phrâo. Bruă djă pioh, pơtrut tui gru grua hiam mơ̆ng đưm hlâo ƀơi tơring čar. Bruă pơđĭ tui anŏ klă mơ̆ng gru grua adoh suang mơnuih ƀôn sang ƀơi hơdôm boh plơi pla yôm phun, plơi giăm guai dêh čar.
Viết bình luận