Jơlan hơdră ngui ngor amăng jơlan glông hơmâo 3 črăn: Mông pơphun, rơbah ngui amăng jơlan hăng pơbưp nao rai. Mơng hơdôm jơlan hơdră, grup hơmâo ba mơnuih nao lăng ƀuh hơdôm anŏ hiam mơng gru grua, gơnam yôm mơng kual lŏn, ană mơnuih kual Dap kơdư lăi hrŏm, tơring čar Dak Lak hnun mơn; pơpŭ tơlơi yôm mơng asar kơphê, mơnuih pla kơphê, ƀing pơkra pơjing hăng sĭ mơdrô kơphê.
Ơi Võ Văn Cảnh, Kơ-iăng Khua jơnum min mơnuih ƀon sang tơring čar Dak Lak lăi pơtong: Tơlơi ngui ngor amăng jơlan glông pơphun hăng tơlơi čang rơmang ba glăi hơdôm tơlơi hiam, tơlơi yôm mơng gru grua kual lŏn, ană mơnuih kual Dap kơdư hăng tơring čar Dak lak lăi phara, lăi nao Dak Lak hiam klă, jê̆ giăm hăng thâo čơkă tuai, kiăng pơpŭ tơlơi yôm mơng asar kơphê, mơnuih pla kơphê, pơkra pơjing hăng sĭ mơdrô kơphê.
Viết bình luận