Amăng 5 thun rơgao, Khul wai lăng tuai čuă ngui Dak Lak hmâo gum hrŏm pơphun laih lu anih pơtô pơhrăm brơi hơdôm rơtuh wot čô mơnuih tui hrăm, djru kơjăp tui kơ mơnuih mă bruă wai lăng tuai čuă ngui. Ba mơnuih amăng khul hyu hơduah ĕp lăng, hrăm tui tơlơi găn rơgao, hơdră tuai čuă ngui plơi pla hăng čuă lăng homestay ƀơi hơdôm bôh tơring čar, ƀôn prong; djru mơnuih amăng khul gum hrŏm hơdôm jơnum sang čơ, pơdă prưng; ba hơdôm bôh anom bơwih ƀong gah khul hyu čuă lăng Famtrip, hơduah ĕp, tô nao rai, kĭ pơkôl hră pơ-ar gum hrŏm gah tuai čuă ngui.

Amăng rơwang bruă phrâo, bruă mă mơ̆ng Khul đing nao hơkrŭ đĭ bruă amăng khul, pơđĭ kyar pơlar mơnuih gum hrŏm, iâo pơhrui ngăn rơnoh pioh pok pơhai klă hloh hơdôm bruă mă. Hrŏm hăng anun, Khul ăt kơtưn mơn bruă pơlir hơbit gum hrŏm, pơlir hơbit kual, pơjing anô̆ yôm kơjăp sui thun amăng pơlar tuai čuă ngui ƀơi tơring čar./.