Amăng tơlơi dô̆ hmư̆, khua pơ ala hăng mơnuih nao lăng hmư̆ hmâo hmư̆ laih 12 mơta tơlơi adôh tui er pơčeh pha ra. Amăng mrô anai, hmâo lu tơlơi adôh bơni kơ tơlơi khăp pioh kơ ia rơsĭ bul ia rơsĭ, pran jua ƀing gŏp kah hăng: Gửi anh nơi hải đảo biên cương, Bạn giờ ở lại Gạc Ma, Âm vang mãi Truông Bồn, Cho con khóc được không, Nỗi nhớ trong mưa.

Sa dua mơta tơlơi adôh pơdah tơlơi khăp kơ plơi pla, lŏn ia hăng gru  hiam mơ̆ng kual lŏn anih pô pơčeh tơlơi adôh glăk dô̆ hơdip mơda, mă bruă kah hăng: Ô! Café Ban Mê Thuột, Chiếc gùi của em, Ơi chiều Krông Bông, Khoảnh khắc Drei Nao. Anai lĕ hơdôm tơlơi adôh phrâo pơčeh mơ̆ng Châu Phan hăng Dương Tấn Bình. Ƀơi anai, ƀing pơčeh tơlơi adôh ăt ră ruai, bơkơtuai, lăi pơthâo mơn hăng mơnuih lăng hmư̆ kơ tơlơi pơčeh, tơlơi pơphun hmâo hơdôm tơlơi adôh./.