Dak Lak: Ngă lar hyu hrơi hơdrôm hră hăng gru grua pơđok hră tơl čơđai sang hră kual ataih
Thứ sáu, 10:13, 14/04/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Ngă tui hrơi hơdrôm hră hăng gru grua pơđok hră Việt Nam thun 2023, lu ƀon lan amăng tơring čar Dak Lak hơmâo pơphun hơdôm bruă mă yôm phăn anăp nao ƀing čơđai kual ataih, asuek.
Ba hơdrôm hră tơl tơngan čơđai sang hră kual ataih lĕ sa amăng hơdôm bruă mă yôm phăn mơng Khul čih boh pia, adôh suang Dak Lak ngă tui hrơi hơdrôm hră hăng gru grua pơđok hră thun anai. Yă Niê Thanh Mai, Khua khul brơi thâo, pơ ala brơi Khua čih boh pia Việt Nam, Khul čih boh pia, adôh suang Dak Lak hơmâo ƀơk brơi hơdôm rơtuh hơdrôm hră boh pia amăng akŏ bruă “Ƀơk hơdrôm hră boh pia brơi čơđai kual ataih, asuek” hăng pơphun mông pơbưp, pơlăi nao rai hăng ƀing čih hơdrôm hră.
Yă Niê Thanh Mai čang rơmang, mơng anun ƀing čơđai amra dưi hơmâo lu hơdrôm hră dong, mơng anun amra pioh hrơi mông pơđok hră, pel ĕp djop tơlơi amăng hơdrôm hră.
Viết bình luận