Dak Lak pioh mă yua giăm 186 klai prăk kiăng pơđĭ kyar gru grua thun 2026 kiăng tuh pơ alin ƀơi 102 boh să, phương. Tơlơi pơplih phrâo lĕ gong gai gưl să hơmâo gơgrong lăi pơthâo anŏ či ngă, prăk mă yua hăng mơ-it nao jơnum min pơ ala mơnuih ƀôn sang hơmâo tơlơi pơsit, đing nao kual ataih, asuek, kual mơnuih djuai ania ƀiă dŏ kơƀah anih ngui gru grua. Ƀơi gưl tơring čar, giăm 80 klai prăk hơmâo kah pơpha mă yua brơi 6 akŏ bruă, hơmâo pơkra ming Sang djă pioh gơnam sô hơđăp Dak Lak, Sang pơđok hră Hải Phú, pơkra ming sang gru grua Diên Hồng, lan sang djă pioh gru grua Phú Yên hăng pơkra ming anih djă pioh gru grua gưl dêh čar. Jơlan hơdră đing nao pơđĭ kyar anih anom gru grua, pơkra gơnam gru grua, laih dong djă pioh gru grua djop djuai ania.

Amăng anun, anih hơmâo đing nao pơgiong anun lĕ sang gru grua, anih ngui gru grua să hăng hơdôm sang jơnum plơi pla. Bruă kah pơpha ngăn rơnoh čang rơmang hrưn đĭ tơlơi hơdip mơda, ngă giăm ƀiă bruă tŭ mă tơlơi djru bruă gru grua kơplah wah hơdôm kual. Hơdôm boh să kiăng mă yua ngăn rơnoh brơi djơ̆, tŭ yua, anăm tuh pơ alin raih daih, yua prăk ča čot.