Rơwang hrơi tơjuh Gru grua Gum pơgôp djŏp djuai ania tơring čar Dak Lăk thun anai pơphun mơ̆ng kơnôl 17 truh kơ 24/11, ƀơi phường Buôn Ma Thuột, phường Tuy Hòa, Phường Ea Kao hăng hơdôm boh tơring dong.

Amăng anun, hrơi jơnum ngui blung a gưl tơring čar pơphun mơmot kơnôl 20/11, ƀơi Sang djă pioh gơnam đưm tơring čar Dak Lăk hăng jơlan hơdră adoh suang, atông čing, akhan hri, adoh chòi hăng gru grua hơmâo mơ̆ng kual ia rơsĭ. Amăng mông anai, mơnuih ƀon sang hăng tuai rơnguai ƀơi Dak Lăk dưi mut ĕp sem lăng gơnam đưm, hrơi mơñam eng ao hăng buh eng ao đưm, Jơlan djă pioh gru grua kơphê, rơwang pơdă phim, hăng bruă pơđok hră. Hrŏm hăng anun, Hrơi gum pơgôp djŏp djuai ania tơring čar amra hơmâo pơphun amăng kơnôl 18/11, ƀơi phường Ea Kao.