Anai lĕ anih dŏ hơdip kơ mơnuih ƀon sang Việt Nam djuai phun mơng Lao, hơmâo tơring čar dưm dăp pơđĭ kyar bơwih brơi tuai čuă ngui amăng plơi pla rơwang mơng anai truh thun 2025. Ƀơi ƀuôn Trí, să Krông Na, tơring glông Buôn Đôn ră anai hơmâo giăm 100 boh sang anŏ hăng 250 čô mơnuih ƀon sang Việt Nam djuai phun mơng Lao glăk dŏ hơdip hrŏm hăng hơmâo lu tơlơi bơwih ƀong huă, gru grua pơlir hăng anih čuă ngui Cầu Treo Buôn Đôn.

Amăng blan 4 rĭm thun, tơring čar Dak Lak gum hrŏm hăng Khul ngă giang mah Việt Nam - Lao juăt pơphun Tết Bunpinay, anai lĕ hrơi ngui ngor gru grua mơ-ak hloh mơng mơnuih ƀon sang Lao ƀơi ƀon lan. Buôn Đôn ăt lĕ anih hơmâo lu gru grua sui mơng đưm hlâo pơđŏm glăi tui gru grua Lao. Anai lĕ tơlơi gêh gal kiăng tơring čar tŏ tui pel ĕp hăng hơmâo lu bruă mă kiăng pok pơhai pơđĭ kyar tuai čuă ngui amăng plơi pla kiăng lăi pơthâo gru grua mơng mơnuih ƀon sang Việt Nam djuai phun mơng Lao ƀơi Dak Lak tơl abih bang tuai čuă ngui.