Jơnum min mơnuih ƀôn sang tơring čar Dak Lak phrâo tŭ ư hăng tơlơi rơkâo brơi plơi prong Buôn Ma Thuột pok lông lăng jơlan rơbat tơkai hăng đĭ hyu rơdêh dang wang amăng plơi prong Buôn Ma Thuột. Akŏ bruă anai čang rơmang amra pơhlôm brơi anih ngui ngor brơi mơnuih ƀon sang hăng tuai čuă ngui. Tui anun, jơlan rơbah tơkai him lăng pok ƀơi jơlan Phan Đình Giót (ară jơlan mơng Lê Duẩn nao pơ Lê Hồng Phong).

Rôk tui jơlan rơbat tơkai amră sĭ lu gơnam tam hiam pioh hơdor hăng lu gơnam ƀong jơman ƀơi kual Dap kơdư. Hăng bruă đĭ rơdêh dang wang rôk jơlan amra prap lui giăm 20 anih đĭ trun rôk jơlan, ƀơi hơdôm sang sĭ mơdrô, bơwih bơwang, hơdôm anih djă pioh gru grua, anih đĭ trun rơdêh bus. Rơnoh prăk mă yua tui hơdră yua amăng mơnuih mơnam.