VOV4.Jarai - Mơguah lơ 20/4, gơnong bruă pôr pơhing tơring čar Dak Lak pơphun hrơi hơdrôm hră hăng gru grua pơđok hră thun 2022. Mơng anai truh abih lơ 22/4, “Hrơi hơdrôm hră hăng gru grua pơđok hră” pơphun hăng lu bruă mă anun lĕ: pơdă prưng djop mơta hơdrôm hră tui hăng hơdôm anăn kơ hơdrôm hră hiam, hơdrôm hră yôm thun 2021 hăng thun 2022; hơdrôm hră čơđai muai, ƀing čih hră ƀơi tơring čar Dak Lak, hơdrôm hră kơ tơring čar; hơdrôm hră gru grua hơđăp hăng hơdrôm hră kơ Khua mir sir Hồ Chí Minh;

Pơphun hrơi hơdrôm hră hăng gru grua pơđok hră thun 2022 ƀơi Dak Lak

Jơnum pơgôp hiăp, lăi pơthâo ƀing čih hơdrôm hră, hơdôm hơdrôm hră phrâo hăng mông bưp kơplah wah mơnuih čih hơdrôm hră hăng ƀing pơđok hră; pơphun anih pơđok hră brơi ƀing čơđai hăng hơdôm tơlơi ngui ngor mơ-ak; hơdôm anih pơđok hrăm pơkŏn; pơgôp glăi hơdrôm hră, gơnam yua pioh pơđok hră ƀơk brơi čơđai ƀun rin, djru brơi hơdôm anih pơđok hră kual ataih, asuek, kual giăm guai hăng ƀing mơnuih kơnuk kơna čem rông ba. Hrŏm hăng pơphun ƀơi plơi prong Buôn Ma Thuột, hơdôm anom bruă gum hrŏm pơphun sa, dua bruă kiăng kơ ngă tui hrơi hơdrôm hră hăng gru grua pơđok hră ƀơi tơring glông Ea H’Leo hăng hơdôm boh tơhnal yôm phara.

Siu Đoan: Pơblang