VOV4.Jarai - Lăi pơthâo, pơphun brơi hrơi ngui kơphê Buôn Ma Thuột tal 8 him lăng pơphun amăng blan 3 thun 2023, tơring čar Dak Lak hơmâo pơphun tal pơplông video clip hăng anăn “Tơlơi bơră ruai lăi nao kơphê Buôn Ma Thuột”. Hăng anăn “Tơlơi bơruă ruai lăi nao kơphê Buôn Ma Thuột”, hơdôm video clip nao pơplông amra lăi pơthâo kơphê Buôn Ma Thuột ƀu pơkă anih mă rup hăng hrơi mông, video anai sui ƀu rơgao 5 mơnit.

Yua bơbeč mơng klin Covid-19, tơdơi kơ 4 thun hrơi ngui kơphê kah dưi pơphun glăi

Tal pơplông anai amra pơphun mơng anai truh rơnuč blan 12 pơ anăp, hăng pri jao rơbêh 600 klăk prăk. Hơdôm rup pơdah nao pơplông amra yua amăng bruă lăi pơthâo kơphê Buôn Ma Thuột, kual lŏn, mơnuih ƀon sang Dak Lak hăng hrơi ngui kơphê Buôn Ma Thuột. Him lăng hrơi ngui kơphê Buôn Ma Thuột tal 8 thun 2023 hăng anăn “Dak Lak - Anih tui nao mơñum kơphê amăng rŏng lŏn tơnah” amra pơphun ƀơi plơi prong Buôn Ma Thuột hăng sa, dua boh ƀon lan amăng tơring čar dong mơng lơ 10/3 truh lơ 14/3/2023.

VOV Tây Nguyên/Siu Đoan: Pơblang