Kông ti pơčruh ngăn tuai čuă ngui anih anom, gru grua, plơi pla Ko Tam ƀơi plơi prong Buôn Ma Thuột pơphun tŭi ñang, pơpŭ kơ Quốc Mẫu pơhưč lu mơnuih ƀôn sang hăng ƀing tuai nao lăng. Hơdôm hrơi akŏ bơyan bơnga, ƀơi hơdôm boh tơring glông mơ̆ng tơring čar Dak Lăk ăt pơphun lu bruă jơnum gru grua - bơrơguăt drơi jăn dik dak kah hăng: Hrơi ngui ngor gru grua djŏp djuai ania tơring glông Ea Kar tal 3, Hrơi jơnum ngui gru grua, bơrơguăt drơi jăn djuai ania Mông ƀơi tơring glông Krông Bông, Ngui ngor Hảng Pồ ƀơi plơi prong Buôn Hồ, Ngui ngor gru grua Việt Bắc ƀơi tơring glông Krông Năng; Pri Pơgit pơtư̆ Vụ Bổn, ƀơi tơring glông Krông Ana pơphun pri đah rơkơi tuah song hăng ngă yang pơtrun gong drai mơ̆ng djuai ania Mường. Anai ƀu kơnong bruă pơhưč ƀing tuai hyu ngui đôč ôh ăt pơjing rai anih ngui ngor mơ-ak, hơmâo pran jua kơ mơnuih ƀôn sang hăng ƀing tuai.
Viết bình luận