Pơphun mơ̆ng lơ 20/8 pơ anăp. Tal pơdă rup anai amra ba pơdă 50 pok rup kač, rup čơphil mơ̆ng 24 čô mơnuih rơgơi kač rup, ding kơna khul čơphil rup, ƀing djru bruă amăng Sang bruă Khul adoh suang pơčeh tơlơi hơk hơr Dak Lak. Rim kơ rup kač hơmâo pơdah thâo tơlơi hiam, ia iom klă phara soh, mă yua lu mơta ia iom kač rup ră ruai kơ tơlơi hơdip mơda, bruă mă amăng plơi pla, hơdôm gơnam yua juăt djă, juăt ƀuh amăng tơlơi dŏ dong ƀong huă mơ̆ng mơnuih djuai ƀiă, hơdôm kual glai klô, phun kyâo pơtâo hnong hnăi, đang bơnga ang kơñĭ, pơjing anih anom hiam pioh ĕp lăng, djă jă gru grua kual Dap Kơdư.

Amăng hơdră, khul kač rup Dak Lak ăt pơphun jơnum bơkơtuai nao rai akŏ ñu “Kač rup hiam Dak Lak hơdôm tơlơi kiăng ră ruai...” kiăng lăi pơthâo mơnuih ƀôn sang ĕp lăng hor kơ rup hiam pơđing hmư̆ ƀing rơgơi kač rup lăi nao bruă gơñu pơčeh phrâo lơ̆m dŏ kač rup hăng rup pơdah brơi mơnuih ƀôn sang lăng.