VOV4.Jarai - Anăp nao ngă lơphet 92 thun hrơi akŏ pơjing Ping gah cộng sản Việt Nam hăng čơkă thun phrâo Nhâm Dần, mơguah lơ 14/1, Sang djă pioh gru grua Dak Lăk pơphun pơdah pơƀuh tơlơi čih hăng bruă mă, tơlơi hơmâo kơsem min “Sa rơnu k kiăng hơdor - Một thời để nhớ”. Hơmâo giăm 230 pok rup, gơnam, akŏ bruă “Sa rơnuk kiăng hơdor” hơmâo pơdă lăi nao 2 mơta tơlơi phun anun lĕ “Anih anom Tê̆t đưm” hăng “Gru tơhnal rơnuk bao cấp ƀơi Dak Lăk”.

Mơng anun, kiăng pơƀuh glăi anih hơdip, bơwih ƀong huă đưm hăng hơdôm mơta gơnam juăt ƀuh, juăt yua mơn, hơmâo pơhrup tom bơnga diar, boh troh, ƀañ čưng, ƀañ tet. Hrŏm hăng 2 mơta tơlơi hơmâo pơdah pơƀuh, črăn hơdră Sa rơnuk kiăng hơdor ăt hơmâo hơdôm bruă ngui ngor, pơtruh nao rai hăng tuai hyu ngui kah hăng: bruă anung ƀañ thuẫn (ƀañ boh mơnŭ), pơđao hơmâo anŏ apah, rơkâo tơlơi hiam amăng akŏ thun.

Siu H’Mai: Pơblang