VOV4.Jarai - Mơguah (10/10), ƀơi plơi prong Buôn Ma Thuột, Khul čih boh pia tơring čar Dak Lak gum hrŏm hăng gơnong bruă pơtô pơjuăt pơphun pơplông “Tơlơi čih pơpŭ kơ nai pơtô hăng sang hră kiăng khăp” ƀrô tal hơdor glăi 40 thun hrơi pơpŭ nai pơtô Việt Nam (20/11/1982-20/11/2022).

Pơphun mơng anai truh abih lơ 7/11 pơ anăp, tal pơplông “Tơlơi čih pơpŭ kơ nai pơtô hăng sang hră kiăng khăp” brơi kơ ƀing apăn bruă, mơnuih mă bruă amăng gơnong bruă pơtô pơjuăt laih dong ƀing čơđai sang hră ƀơi djop sang hră amăng tơring čar Dak Lak. Tơlơi čih ba nao pơplông lĕ tơlơi čih glông lăi nao hơdôm gru grua hiam mơng nai pơtô, pran khăp sang hră hăng nai pơtô.

VOV Tây Nguyên/Siu Đoan: Pơblang