Nao pơplông hrom dêh čar rơjang drơi jăn tal IX thun 2022, grup pơrơguăt drơi jăn tơring čar Dak Lak hơmâo 150 čô mơnuih pơplông, nai pơtô rơjang drơi jăn pơplông 14/43 mơta tơlơi pơplông. Boh tơhnal, hơmâo mă 13 pri miđai ia mah, 9 pri miđai ia prăk hăng 15 pri miđai ia kông. Amăng anun lăp đing nao hơmâo 2 čô pơplông rơgơi hloh pŭ pua, hơdui hrĕ hơmâo mă pri rơgơi hloh, dong tal 20/65 grup nao pơplông mơ̆ng tơring čar, ƀôn prong amăng dêh čar. Jơnum pơƀut anai, ơi Võ Văn Cảnh, Kơ-iăng khua tơring čar Dak Lak pơpŭ kơ grup pơrơguăt drơi jăn Dak Lak hơmâo găn rơgao amăng mông pơplông tơnap tap, lông lăng yua klin kheng ăt dŏ pioh pơtop hrăm rơjang drơi jăn či nao pơplông tŭ mă boh tơhnal tŭ yua lu.

Ƀrô tal anai, Jơnum min mơnuih ƀôn sang tơring čar Dak Lak hơmâo ƀơk hră apah bơni kơ 13 čô nai pơtô, 36 čô mơnuih pơplông hơmâo mă pri rơgơi hloh nao pơplông gưl dêh čar tal IX thun 2022 rơgao.