Ƀuôn Dơng Ƀăk, să Yang Tao, tơring glông Lak, tơring čar Dak Lak dưi lăng lĕ anih dô̆ glăi ƀơi Dap Kơdư djă pioh bruă man gŏ lŏn đưm gah djuai ania Bơnông R’lâm. Anai lĕ bruă mă tui phiăn juăt hmâo mơ̆ng đưm hlâo gah djuai ania Bơnông, hăng hơdră ngă giong bruă abih bang hơdôm bruă glit lŏn, man pơjing, čơhmu krô hăng ba nao kơhul.

Ră anai bruă anai lu tuai hyu čuă ngui nao čuă lăng, man pơkra lông lăng. Khă hnun hai, ră anai kơnong kơ sa dua čô mơnuih thâo man gŏ lŏn, abih bang kah hăng leng kơ đah kơmơi dô̆ djă pioh bruă anai. Anih pơtô glăi hăng man pơkra gŏ lŏn mơ̆ng djuai ania Bơnông dưi pok pơhai mơ̆ng ngăn rơnoh Rơwang bruă pơgang, ngă tui bôh yôm bôh thâo phiăn juăt klă hiam mơ̆ng djop djuai ania ƀiă nao hrŏm hăng pơđĭ kyar bruă tuai čuă ngui gah Jơlan hơdră pơkă mơ̆ng dêh čar pơđĭ kyar bơwih ƀong mơnuih mơnam kual neh wa djuai ania ƀiă hăng kual čư̆ siăng rơwang 2021-2030. Gum hrŏm anih hrăm hmâo 20 čô mơnuih lĕ đah kơmơi djuai ania Bơnông ƀơi ƀuôn Dơng Băk, să Yang Tao. Mơnuih nao hrăm amra hrăm hăng man pơkra gŏ lŏn hơdôm yak pioh pơjing sa bôh gŏ lŏn pơhlôm djơ̆./.