Dak Lak: Rơbêh 5000 pok rup kač kơ Tơlơi “Giăng mah Việt Nam-Hàn Quốc”
Thứ sáu, 09:51, 23/12/2022
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Mơguah lơ 22/12, Khul anom bruă giăng mah tơring čar Dak Lak ngă hrom Anom bruă Pơtô hăng pơjuăt plơi prong Ƀuôn Ma Thuôt, pơƀut bruă mă hăng apah pri tal pơplông kač rup lăi nao “Tơlơi khăp giăng mah Việt Nam-Hàn Quốc”, ƀrô djơ̆ tal hơdor glăi 30 thun akŏ pơjing bruă pơtom hiăp Việt Nam-Hàn Quốc lơ 22/12.
Dưi pơphun mơ̆ng blan 9 thun anai, tal pơplông kač rup hơmâo rơbêh 5 rơbâo pok rup mơ̆ng čơđai sang hră gưl sa hăng gưl dua amăng plơi prong Ƀuôn Ma Thuột. Găn rơgao hơdôm tal čom puang, khul nai čom puang ruah mă pioh apah bơni 18 pri rơgơi hloh, hơmâo dua pri yôm mrô sa hăng mrô kơ dua gưl hrăm, 2 pri dua, 4 pri klâo hăng 10 pri pơsur pran jua.
Ơi Võ Tấn Tài, Kơ-iăng Khua Khul ngă giăng mah ƀơi tơring čar Dak Lak, khua khul pơphun tal pơplông brơi thâo, tal pơplông anai sa bruă mă yôm biă mă pioh čơkă hok mơak hơdor glăi 30 thun akŏ pơjing bruă pơtom hiăp hlom bom Việt Nam-Hàn Quốc.
Viết bình luận